“ASAN xidmət”ə 21 milyonuncu müraciət qeydə alındı

20:34     17 Aprel 2018

6 aprel 2018-ci il tarixində “ASAN xidmət”ə 21 milyonuncu vətəndaş müraciəti qeydə alınıb.

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin İnformasiya təminatı şöbəsindən Femida.az-a verilən məlumatda bildirilib ki, bu müraciətin sahibi Xaçmaz şəhər sakini Şahvar Yusufov olub.
O, Xaçmaz şəhərində Səyyar “ASAN xidmət”ə müraciət edərək ASAN qatarda Ədliyyə Nazirliyinin notariat xidmətindən yararlanıb. 21 milyonuncu müraciətin sahibi kimi Şahvar Yusufov təşəkkürnamə və simvolik hədiyyələrlə mükafatlandırılıb.

Qeyd edək ki, hazırda 13 “ASAN xidmət” mərkəzi fəaliyyət göstərir. Onlardan beşi paytaxt Bakı şəhərində olmaqla, digərləri Sumqayıt, Gəncə, Sabirabad, Bərdə, Qəbələ, Masallı, Quba və Mingəçevirdədir. Bundan başqa, regionlarda 10 Səyyar “ASAN xidmət” avtobusu və Səyyar ASAN qatar vasitəsilə vətəndaşlara səyyar formada xidmətlər göstərilir.

Femida.az

Açar sözlər: #Prezident   #ASAN  

Oxunub: 897