Arvadı ilə birləşib valideynlərini öldürdü - ÖMÜRLÜK HƏBS
14:58 18 Aprel 2018
Şirvan Apellyasiya Məhkəməsində Masallı rayonunda həyat yoldaşı ilə birlikdə valideynlərini qətlə yetirən şəxslə bağlı məhkəmə hökmündən verilən apellyasiya protesti və apellyasiya şikayətinə baxılıb.
Femida.az-ın məlumatına görə, hakim Rafiq Cəfərovun sədrliyi ilə keçirilən prosesdə apellyasiya protesti qismən təmin edilib.
Ağayev Azər Etibar oğlunun cəzası dəyişdirilərək ömürlük həbs cəzası ilə əvəz edilib.
Onun həyat yoldaşı Ağayeva Bəstəgül Lətif qızı barəsində birinci instansiya məhkəməsinin çıxardığı qərar isə qüvvədə saxlanılıb.
Qeyd edək ki, 2017-ci ilin iyunun 5-də Masallının Miyenkü kəndində dəhşətli qətl hadisəsi baş verib. Həmin kəndin sakinləri, 1989-cu il təvəllüdlü Azər Ağayev həyat yoldaşı 1979-cu il təvəllüdlü Bəstəgül Ağayeva ilə birgə ailə-məişət münaqişəsi zəminində valideynləri - 1962-ci il təvəllüdlü Ağayev Etibar Qiyas oğlunu və 1962-ci il təvəllüdlü Ağayeva Rəfiqə Qurban qızını balta ilə amansızlıqla qətlə yetiriblər.
Daha sonra meyitləri həyətlərindəki tövlədə basdıraraq üzərini betonla örtüblər. İyunun 5-dən yoxa çıxan ər-arvadla maraqlananlara Azər Ağayev onların Rusiyaya yollandığını deyib. İyunun 9-da hüquq-mühafizə orqanlarının keçirdikləri əməliyyat-istintaq tədbirləri nəticəsində məlum olub ki, yoxa çıxan ər-arvadı oğlu və onun həyat yoldaşı qətlə yetirərək tövlədə basdırıb.
Qətli törətməkdə şübhəli bilinən ər və arvad saxlanılıb.
Lənkəran Ağır Cinayətlər Məhkəməsinin hökmü ilə Ağayev Azər Etibar oğlu və onun həyat yoldaşı Ağayeva Bəstəgül Etibar qızı Cinayət Məcəlləsinin 120.2.1, 120.2.7, 120.2.9 maddələri ilə təqsirli bilinərək 20 il azadlıqdan məhrum edilib.
Femida.az
Oxunub: 1815
Oxşar xəbərlər
- Mətbuatda şikayəti yayımlanan vətəndaş niyə həbs olunub? - DİN-DƏN AÇIQLAMA
- Prokurorluq Əvəz Zeynallı və Elçin Sadıqovun həbsi ilə bağlı məlumat yayıb
- "Tərtər işi" ilə bağlı daha bir neçə nəfər həbs edilib - RƏSMİ
- Bakıda Vətən müharibəsi iştirakçısını qətlə yetirən şəxs həbs edilib
- Şəmkir və Neftçalada vəzifəli şəxslərə cinayət işi açılıb, bir nəfər həbs edilib
- DTX-nin həbs etdiyi “Broker Əbülfəz” kimdir?
- Ukraynada rəqibini ödürən keçmiş deputat 15 il müddətinə həbs edilib
- Bakıda dələduzluqda təqsirləndirilən şəxs məhkəmə zalında həbs edilib
- Müharibə öncəsi 100 zabitlə əyləncə təşkil edən erməni polkovnik həbs edilib
- DTX: Vətən müharibəsi iştirakçılarına qarşı dələduzluq edən şəxs həbs edilib