Azərbaycanda qəribə olay: poçtla narkotik göndərdilər – Fotolar
01:44 20 Aprel 2018
Hava Nəqliyyatında Baş Gömrük İdarəsinin əməkdaşları narkotik vasitə və psixotrop maddənin poçt vasitəsilə qanunsuz yolla ölkə ərazisinə gətirilməsinə cəhdin qarşısını alıblar.
DGK Mətbuat Xidmətindən daxil olan məlumata görə, Gömrük əməkdaşlarının nəzarətində olan marşrut üzrə Amerika Birləşmiş Ştatlarından Azərbaycan Respublikasına – Bakı şəhərində ailəsi ilə birlikdə yaşayan Amerika vətəndaşı Heather Christine Ulrichin adına invoysda “yuyucu vasitə, əl sabunu, açar qabı, şirniyyat” göstərilən poçt bağlaması daxil olub.
Həmin poçt bağlamasına Bakı Karqo Terminalında kinoloji xidmət iti tətbiq edilməklə gömrük nəzarəti keçirilib. Gömrük nəzarəti zamanı, xidməti it reaksiya verdiyi üçün bağlama saxlanılıb və yükün sahibi hava limanına dəvət olunub.
Daha sonra Hava Nəqliyyatında Baş Gömrük İdarəsində sözügedən şəxsin iştirakı ilə bağlama təkrar yoxlanılıb. Nəticədə, bağlamanın içində invoysda göstərilən mallardan əlavə Azərbaycan Respublikasının gömrük sərhədindən düzgün bəyan etməməklə keçirilən həblər aşkar edilib. Bunlar oksikodon, hidrokodon preparatları olub.
Azərbaycan Respublikası ərazisində dövriyyəsi qadağan edilmiş narkotik vasitələrin siyahısına, metilfenidat preparatı Azərbaycan Respublikası ərazisində dövriyyəsi qadağan edilmiş psixotrop maddələrin siyahısına daxildir.
Faktla bağlı araşdırma aparılır.
Femida.az
Oxunub: 1532
Oxşar xəbərlər
- “Azərpoçt”un inkassatoru şirkətin 10 min manata yaxın vəsaitini mənimsəyib
- Sumqayıtda poçt şöbəsinə saxta əsginas verən şəxs saxlanılıb
- Həbsxanaya poçt vasitəsilə narkotik keçirmək istədi
- İsveçrədə üzərində “Xarıbülbül” olan poçt markası buraxılıb
- “Azərpoçt” bayram günlərində işləyəcək
- Masallıda poçt şöbəsindən seyf oğurlandı
- “Azərpoçt”un rəhbəri dəyişib
- “Azərpoçt” MMC-nin şöbə müdiri məhkəmə zalında həbs edildi
- “Azərpoçt”un baş direktor müavini işdən çıxıb
- Kitabxanaçıya qarşı dələduzluq edən “Azərpoçt” əməkdaşının məhkəməsi başlayıb