Masallıda yol nişanları oğurlandı

Masallıda yol nişanları oğurlandı

11:35     20 Aprel 2018 2018/04/yol-nis_1524209848.jpg

Masallı Rayon Polis Şöbəsinə Sərcuvar-Hüseynhacılı avtomobil yolundan yol-tikinti şirkətlərindən birinə məxsus ümumilikdə 40 ədəd yol nişanının oğurlanması barədə müraciət daxil olub.


DİN-in mətbuat xidmətindən APA-ya verilən məlumata görə, dərhal başlanan əməliyyat-axtarış tədbirləri ilə oğurluğu törətməkdə şübhəli bilinən şəxs müəyyən edilərək polis əməkdaşları tərəfindən saxlanılıb.

Araşdırmalarla onun Qasımlı kənd sakini, əvvəllər məhkum olunmuş İlqar Şükürov olduğu müəyyən edilib. Nişanların bir qismi maddi sübut kimi ondan götürülüb.

Faktla bağlı cinayət işi başlanılıb. İstintaq aparılır.

Femida.az


Açar sözlər: #Masallı   #nişan   #yol   #oğurluq  

Oxunub: 1073