Bakıda metronun deposundan əl qumbarası tapılıb - FOTOLAR
21:37 20 Aprel 2018
Bakıda metronun deposundan əl qumbarası tapılıb.
Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) "Report"a verilən məlumata görə, aprelin 20-də saat 12:39-da Daxili İşlər Nazirliyinin ″102″ Xidməti-Zəng mərkəzi sistemindən və saat 12:54-də Fövqəladə Hallar Nazirliyinin Böhran Vəziyyətlərində İdarəetmə Mərkəzindən Agentliyə Bakı şəhəri, Nərimanov rayonu ərazisində əl qumbarasının tapılması barədə məlumatlar daxil olub.
Məlumatlara əsasən Agentliyin xüsusi mobil çevik əməliyyat qrupu dərhal həmin əraziyə göndərilib.
Agentliyin mütəxəssisləri tərəfindən yuxarıda adı qeyd olunmuş ərazidə ″Bakı Metropolteni″ QSC-nin N.Nərimanov adına Elektrik deposunun ərazisinə baxış keçirilib, aparılan təcili təxirəsalınmaz operativ əməliyyat axtarış tədbirləri nəticəsində 1 ədəd F-1 əl qumbarası aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Aşkar olunmuş əl qumbarasının ətrafında 500 kv.m əraziyə yerüstü və 20 kv.m əraziyə yeraltı baxış keçirilib, bundan əlavə təhlükəli əşya və qurğu aşkar edilməyib.
Femida.az
Oxunub: 1484
Oxşar xəbərlər
- Bakı metrosunda 4 azyaşlını dilənçiliyə sövq edən qadın saxlanılıb
- Bakı sakini küçədə əmisini qətlə yetirib
- Bakı hava limanında ƏMƏLİYYAT - Tutulanlar VAR
- Bakı hava limanında ölən şəxs görün, kimin oğlu imiş
- Bakı Nəqliyyat Agentliyi daşıyıcılara xəbərdarlıq edib
- Bakı sakini qardaşının həyətinə qumbara atıb, partlayış olub
- Bakı yollarında vəziyyət necədir?
- Rusiya aviaşirkəti Sankt-Peterburq-Bakı marşrutu üzrə uçuşlara başlayacaq
- Keçmiş məhkum Bakı sakininin bank hesabından 800 manat oğurlayıb
- Bakı sakinindən 1 kq heroin götürülüb