Deputatlar Strasburqa gedib
15:35 21 Aprel 2018
Milli Məclisin Beynəlxalq münasibətlər və parlamentlərarası əlaqələr Komitəsinin sədri, Avropa Şurası Parlament Assambleyasındakı daimi nümayəndə heyətinin rəhbəri Səməd Seyidov və bir qrup deputat AŞPA-nın yaz sessiyasında iştirak etmək üçün aprelin 21-dən 29-dək Strasburqda səfərdə olacaq.
Milli Məclisdən Femida.az-a bildirilib ki, nümayəndə heyətinə Milli Məclisin Mədəniyyət komitəsinin sədri Rafael Hüseynov, deputatlardan Sevinc Fətəliyeva, Sahibə Qafarova, Ülviyyə Ağayeva, Asim Mollazadə, Elşad Həsənov, Vüsal Hüseynov və Sabir Hacıyev daxildirlər.
Sessiya dövründə Assambleya Bürosunun və Daimi Komitənin görülən işlər barədə hesabatı dinləniləcək, İqlim dəyişiklikləri üzrə Paris Sazişi, Avropadakı jurnalistlərin statusu, Liviyada hazırkı vəziyyət və Avropa Şurasının rolu, Hibrid müharibə və insan hüquqları üzrə öhdəliklər, Avropada dərmana qarşı davamlı olan vərəm xəstəliyi, Miqrant uşaqların inteqrasiyası və məcburi təhsili barədə fikir mübadiləsi aparılacaqdır.
Sessiya çərçivəsində Avropada məcburi köçkünlərin hüquqları və humanitar ehtiyacları mövzusunda məruzə dinləniləcək, Azərbaycandakı məcburi köçkünlərin vəziyyəti müzakirə ediləcək.
Deputatlarımız gündəlikdəki məsələlərlə bağlı çıxış edəcək, fikirlərini bildirəcəklər.
Femida.az
Oxunub: 1163
Oxşar xəbərlər
- Sahibə Qafarova AŞPA-nın məruzəçisi ilə görüşüb
- Azərbaycan XİN başçısının müavini AŞPA məruzəçisi ilə görüşüb
- AŞPA məruzəçisi Azərbycana gəlir
- AŞPA qadınlarla bağlı qətnamə qəbul edib
- AŞPA məruzəçisi Azərbaycanın humanitar addımını alqışlayıb
- AŞPA Navalnının azadlığa buraxılmasına dair qətnamə qəbul edib
- Bu gün AŞPA-nın yaz sessiyası başlayır
- Azərbaycan deputatları AŞPA-ya gedir
- Mövlud Çavuşoğlu AŞPA Prezidenti ilə görüşüb
- Məhkəmə Qasparyanın iddiasını geri qaytardı