39 minlik yol lövhələri oğurlandı - VİDEO

22:43     24 Aprel 2018

Masallıda oğurluq faktı qeydə alınıb.

Femida.az xəbər verir ki, Masallıda hələ istifadəyə verilməmiş Ələt-Astara avtomobil yolunun, rayonun Sərcuvar və Hüseynhacılı kəndlərindən keçən hissəsində, yolun kənarında quraşdırılan və aliminium materialından hazırlanmış 40 ədəd yol lövhəsi oğurlanıb.

Lövhələri quraşdıran şirkətin əməkdaşları tərəfindən məsələ ilə bağlı Masallı Rayon Polis şöbəsinə müraciət olunub. Əməliyyat-axtarış tədbirlər nəticəsində oğurluğu törətməkdə şübhəli bilinən şəxslər müəyyən edilib.

Məlum olub ki, cinayət hadisəsini rayonun Qasımlı kənd sakini, İlqar Şükürov və Şıxlar kənd sakini Fərhad Fərhadlı qabaqcadan əlbir olmaqla törədiblər.

Əvvəllər də məhkumluq həyatı yaşayan hər iki şəxs şirkətə ümumilikdə 34 min 358 manat ziyan vurublar. Həmin şəxslərin oğurladığı yol lövhələrinin bir hissəsi maddi sübut kimi götürülüb.

Fərhad Fərhadlının ətrafında aparılmış əməliyyat-axtarış tədbirləri zamanı onun törətdiyi digər bir cinayət faktının da üstü açılıb.

Faktla bağlı cinayət məcəlləsinin müvafiq maddələri ilə cinayət işi açılıb araşdırma aparılır.



Femida.az

Açar sözlər: #Oğurluq   #Ələt   #Nişan  

Oxunub: 1474