Danimarkada daha bir Azərbaycan tankeri həbs edildi
14:17 29 Aprel 2018
Rusiyanın "Lukoil" şirkətinin törəmə şirkəti olan "Litasco" Mübariz Mənsimovun "Palmali Shipping" şirkətinə məxsus iki neft tankerini həbs edib.
Femida.az bildirir ki, virtualaz.org saytına məlum olub ki, tankerlərdən birinə Danimarkanın "Aalbaek Bay" limanında bir neçə gün əvvəl həbs qoyulub. Digər tanker isə Estoniya limanlarından birində saxlanılıb. Tankerlərin "Litasco"ya olan bunker ödəmələri borcuna görə həbs edildiyi bildirilir. Danimarka limanında saxlanılan tanker Azərbaycanın mərhum energetika naziri Natiq Əliyevin adını daşıyır. Estoniya limanında saxlanılan isə 2002-ci ildə inşa edilən "Bozdag" tankeridir.
"Litasco" şirkəti tankerlərə həbs qoyulmasını şərh etmir. Danimarka limanında saxlanılan tankerin ekipajı 12 nəfərdən ibarətdir və onlar Rusiya vətəndaşlarıdır.
Bu ilin əvvəllərində məlum olmuşdu ki, Mübariz Mənsimov "Litasco" şirkətinin əleyhinə London məhkəməsində iddia qaldırıb və 2 milyard dollar təzminat tələb edir. Mənsimov bildirir ki, "Lukoil" "Palmali" şirkəti ilə neftin daşınmasına dair 10 illik müqavilə bağlayıb. Lakin daha sonra müqaviləni pozub və onun şirkətini milyardlarla dollar zərərə salıb.
Qeyd edək ki, "Natiq Əliyev" tankeri dünən həbs edilmislşdi.
Femida.az
Oxunub: 941
Oxşar xəbərlər
- Avropa İttifaqı Komissiyası Danimarkanı məhkəməyə verib
- Azərbaycanlı hakim-inspektor Danimarkaya gedəcək
- Bakıda danimarkalı idmançı zədə aldı
- "Facebook"da işləyən azərbaycanlı: "Elə bilirlər, Avropaya getdinsə, milyarder olacaqsan" (MÜSAHİBƏ)
- Danimarka sahillərində Rusiya gəmisi saxlanıldı
- Azərbaycan tankeri Danimarkada həbs edildi
- Türkiyənin Danimarkadakı səfirliyinə hücum olub
- Nalbandyan Danimarkaya gedir
- İlham Əliyev Danimarka kraliçasını təbrik edib
- Danimarka şahzadəsi vəfat edib