Bakıda başlayan yanğın söndürüldü - VİDEO

19:56     01 May 2018

Fövqəladə Hallar Nazirliyi Bakıda fərdi yaşayış evlərində baş verən yanğınla bağlı məlumat yayıb.

Femida.az-ın nazirliyin saytına istinadən verdiyi məlumata görə, Bakı şəhərinin Nəsimi rayonu ərazisində taxta konstruksiyalardan ibarət, bitişik tikilmiş iki fərdi yaşayış evində (hazırda yaşayış olmayan və sökülməkdə olan) yanğın baş verib.

Hadisə zamanı ölən və xəsarət alan olmayıb.

Ərazidəki digər evlər yanğından mühafizə olunub və yanğın yanğın bölmələri tərəfindən söndürülüb.

***

Bakıda Azərbaycan Universitetinin yaxınlığındakı məhəllədə yanğın baş verib.

Femida.az xəbər verir ki, bu barədə ərazidə yaşayan Ülviyyə Əli adlı xanım Twitter sosial şəbəkəsindəki profilində məlumat verərək video kadrlar paylaşıb.

Yanğının məhəllədəki həyət evlərindən birində və ya yaxınlıqdakı zibilxana baş verdiyi məlum deyil. Amma yanğının güclü olduğu və bu səbəbdən tüstüsünün çox qatı olduğu bilinir.

Hələlik yanğınla bağlı rəsmi məlumat verilməyib.





Femida.az

Açar sözlər: #Bakı   #yanğın   #FHN  

Oxunub: 3242