Rəis müavinini güllələyən şəxslərin məhkəməsi oldu
22:06 02 May 2018
Bu gün Bakı Ağır Cinayətlər Məhkəməsində Bakıda baş verən silahlı insidentlə bağlı həbs edilən Kazım Abbasov, Məhəmməd İsmayılov, Ramal Ağayev və Emin Həsənovun cinayət işi üzrə məhkəmə istintaqı başlayıb.
APA-nın xəbərinə görə, prosesdə vəkil Adəm Məmmədov vəsatətlə çıxış edərək, prosesin qapalı keçirilməsini, jurnalistlərin zaldan çıxarılmasını istəyib.
Məhkəmə vəsatəti təmin etməyib.Prosesdə prokuror ittiham aktını elan edib.
M. İsmayılov və E. Həsənov elan olunmuş ittihamla özlərini təqsirli bilməyiblər. A. Kazımov və R. Ağayev isə özünü elan olunmuş ittihamla qismən təqsirli bilib. Prosesdə zərərçəkmiş Müşfiq Mədətov ifadə verib.
O deyib ki, təqsirləndirilən şəxslərin heç birini tanımır və heç birindən də şikayəti yoxdur: "Mən bu şəxslərin heç biri ilə əvvəllər qarşılaşmamışam. Onlar mənə yaxınlaşıb heç bir söz demədən üzərimə hücuma keçdilər".
Qeyd edək ki, Bakı şəhər Prokurorluğu və şəhər Baş Polis İdarəsinin hadisə ilə bağlı yaydığı məlumata əsasən, oktyabrın 14-də saat 19 radələrində Bakı şəhəri, Səbail rayonu, Ş.Şamil küçəsi 16 saylı ünvanda yerləşən çay evində naməlum şəxslər Mədətov Müşfiq İsrafil oğluna qarşı xuliqanlıq hərəkətləri edib ictimai qaydanı kobud surətdə pozaraq sonuncunu bıçağın dəstəyi ilə vurub ona xəsarət yetiriblər.
Fakt üzrə Səbail Rayon Polis İdarəsinin İstintaq şöbəsində Cinayət Məcəlləsinin 221.2.1 (xuliqanlıq) və 221.3-cü (xuliqanlıq) maddələri ilə başlanıb.
Oktyabrın 15-də saat 04.00 radələrində həmin cinayət işi üzrə hadisəni törətmiş şəxslərin müəyyən edilməsi istiqamətində Səbail RPİ-nin əməkdaşları tərəfindən həyata keçirilən əməliyyat tədbirləri zamanı Bakı şəhəri, Nizami rayonu ərazisində “Lexus” markalı 90-LT-997 dövlət nömrə nişanlı avtomaşında olan şəxslər üzərlərində olan odlu silahlardan əməliyyat tədbirində iştirak etmiş polis əməkdaşlarına atəş açıb, nəticədə Səbail RPİ-nin Əməliyyat işləri üzrə rəis müavini, polis polkovniki Axundzadə Orxan Abdulla oğlu xəsarət alıb.
Hadisəni törədən şəxslər həmin avtomobillə hadisə yerindən qaçıblar.
Həmin fakt üzrə Nizami rayon prokurorluğunda Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə cinayət işi başlanıb və hadisə yerinə baxış keçirilib. Hadisə yerindən 1 ədəd 12 mm və 6 ədəd 9 mm kalibrli gilizlər götürülüb və müvafiq ekspertizalar təyin edilib.
Cinayət işləri üzrə istintaqın davam etdirilməsi üçün Bakı şəhər prokurorluğunun icraatına verilib.
Bakı şəhər prokurorluğu və Bakı Şəhər Baş Polis İdarəsinin əməkdaşları tərəfindən aparılmış təxirəsalınmaz istintaq hərəkətləri və əməliyyat-axtarış tədbirləri nəticəsində qeyd olunan cinayət əməllərini törətməkdə şübhəli bilinənlər - 1992-ci il təvəllüdlü Abbasov Kazım Tapdıq oğlu, əvvəllər məhkum olublar - 1982-ci il təvəllüdlü İsmayılov Məhəmməd Həsən oğlu və 1976-cı il təvəllüdlü, Həsənov Emin Vaqif oğlu olması müəyyən edilib. Onlar Cinayət Məcəlləsinin 221.2.1, 221.3, 120.2.3 və 315.2-ci (hakimiyyət nümayəndəsinə müqavimət göstərmə) maddələri ilə şübhəli şəxs qismində tutularaq istintaqa cəlb olunublar.
Zərərçəkmiş Müşfiq Mədətov Bakıda 23-cü polis bölməsinin rəisi vəzifəsində çalışıb.
Femida.az
Oxunub: 1064
Oxşar xəbərlər
- Bakıda mənimsəmədə təqsirləndirilən qadının məhkəməsində şahid dindirilib
- Tərtərdə bacısını qətlə yetirməkdə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsin məhkəməsi başlayır
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Konstitusiya Məhkəməsi sədrinin maaşı 1075 manat artırılıb
- Azərbaycanda məhkəmə hakimlərinin maaşı artırılıb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Mixeil Saakaşvilinin məhkəməsi yenidən təxirə salınıb
- Bakıda 9 il əvvəl qətl törətməkdə təqsirləndirilən şəxsin cinayət işi məhkəməyə göndərilib