“Dövlət Miqrasiya Xidmətində şəffaflıq təmin ediləcək” - Vüsal Hüseynov
20:57 03 May 2018
Dövlət Miqrasiya Xidmətinin (DMX) rəisi Vüsal Hüseynov Beynəlxalq Miqrasiya Təşkilatının (BMqT) Azərbaycandakı nümayəndəliyinin rəhbəri Serhan Aktoprakla görüşüb.
DMX-dan Femida.az-a verilən məlumata görə, görüşdə V. Hüseynov Xidmətin fəaliyyətinin bütün istiqamətlərinin ən mütərəqqi beynəlxalq təcrübəyə uyğun olaraq təkmilləşdirilməsi, şəffaflığın tam təmin edilməsi ilə bağlı konkret əməli addımların atılacağını açıqlayıb.
Görüşdə “Dövlət Miqrasiya Xidməti ilə Beynəlxalq Miqrasiya Təşkilatı arasında Azərbaycandan miqrantların könüllü qayıdışına yardım üzrə pilot layihənin həyata keçirilməsinə dair Əməkdaşlıq Sazişi”nin icrası ilə bağlı məsələlər barədə geniş fikir mübadiləsi aparılıb.
V. Hüseynov DMX-nın və Beynəlxalq Miqrasiya Təşkilatının ümumi maraq kəsb edən məsələlər üzrə müsbət və konstruktiv əlaqələrindən bəhs edib.
BMT-nin Azərbaycandakı nümayəndəliyinin rəhbəri S. Aktoprak Azərbaycanın müvafiq dövlət qurumları, xüsusən DMX ilə səmərəli əməkdaşlıqdan təmsil etdiyi təşkilatın məmnun olduğunu ifadə edib. O bildirib ki, Azərbaycanda miqrasiya sahəsi üzrə məşğul olan dövlət qurumları çox diqqətli və proqressiv işlər görür.
Femida.az
Oxunub: 907
Oxşar xəbərlər
- Azərbaycanda “Dövlət rüsumu haqqında” qanun dəyişib
- “Dövlət rüsumu haqqında” qanuna dəyişikliklər qəbul edildi
- “Dövlət rüsumu haqqında” Qanuna edilən dəyişiklik təsdiqləndi
- “Dövlət rüsumu haqqında” qanuna dəyişikliklər təsdiqlənib
- Prezident: “Dövlət nə lazımdırsa, onu edir”
- “Dövlət büdcəsinin tərtibi və icrası Qaydaları”nda dəyişiklik edilib
- Mübariz Qurbanlı: “Dövlət idarəçiliyində islahatlar davamlı olacaq”
- “Dövlət Aqrar Ticarət Şirkəti”nə yeni rəhbər təyin edildi
- “Dövlət rüsumu haqqında” qanuna dəyişiklik edildi
- “Dövlət bayrağı haqqında” qanuna dəyişiklik edilir