Bu dərmanlar dövlət qeydiyyatına alınmayacaq
23:11 10 May 2018
Azərbaycanda beynəlxalq və ya regional idman yarışları zamanı iştirakçı dövlətlər tərəfindən həmin dövlətlərin idmançıları və şəxsi heyətinin istifadəsi üçün nəzərdə tutulan dərman vasitələri dövlət qeydiyyatına alınmayacaq.
Femida.az Trend-ə istiadən xəbər verir ki, bununla bağlı “Dərman vasitələri haqqında” qanuna dəyişikliklərin edilməsi təklif olunur.
Həmin dəyişikliklərə əsasən, dövlət qeydiyyatına alınmayan dərman vasitələrinin siyahısına beynəlxalq və ya regional idman yarışları zamanı iştirakçı dövlətlər tərəfindən həmin dövlətlərin idmançıları və şəxsi heyətinin istifadəsi üçün nəzərdə tutulan dərman vasitələri də əlavə edilib.
Hazırda bu siyahıya sərgidə nümayiş etdirilmək üçün nəzərdə tutulan dərman və tibb vasitələri (sərgi nümunələri), dövlət qeydiyyatından keçmiş dərman vasitələri əsasında həkim resepti üzrə aptek təşkilatlarında hazırlanan dərman vasitələri, epidemiya, təbii fəlakət və digər fövqəladə hallarda istifadə məqsədi ilə idxal olunan dərman vasitələri, elmi tədqiqatların, klinikaya qədər tədqiqatların və klinik sınaqların aparılması üçün nəzərdə tutulan dərman vasitələri (Bu dərman vasitələrinin istifadəsinə yalnız müvafiq icra hakimiyyəti orqanının qərarı olduqda yol verilir) daxildir.
Qanuna təklif edilən digər dəyişikliyə əsasən, dövlət qeydiyyatı məqsədilə dərman vasitələrinin və həmin dərman vasitəsinin istehsalında istifadə edilən dərman maddəsinin (dərman substansiyasının) nümunələrini ölkə ərazisinə qanunvericiliklə müəyyən edilmiş miqdarda müvafiq icra hakimiyyəti orqanı, istehsal və ya topdansatış əczaçılıq fəaliyyəti ilə məşğul olan müəssisələr, xarici istehsalçının Azərbaycandakı yerli nümayəndəliyi və ya yerli nümayəndəliyi olmadığı halda xarici istehsalçının müvəkkil etdiyi şəxs idxal edə bilər.
Qanuna edilən digər əlavəyə görə, dərman vasitələrinin ekspertizasının aparılması qaydaları müvafiq icra hakimiyyəti orqanları tərəfindən müəyyən edilir.
Femida.az
Oxunub: 931
Oxşar xəbərlər
- Meymunçiçəyinin sağalma müddəti və müalicədə istifadə olunan dərmanlar açıqlanıb
- Rusiyadan Azərbaycana dərman preparatlarının gətirilməsinin qarşısı alınıb
- Meymunçiçəyi virusunu zərərsizləşdirən dərman tapılıb
- Azərbaycanda istifadəyə yararsız dərmanın satışı qadağan olunub
- Azərbaycanda dərmanların qiymətinə dəyişiklik ediləcək
- Əlillərə pulsuz dərman verən tibb müəssisələrinin siyahısı təsdiqlənib
- Gömrükçülər külli miqdarda dərman vasitələri saxlayıb
- Ölkəyə qanunsuz dərman gətirilməsinin qarşısı alınıb
- Masazırda 66 yaşlı qadın dərman içərək intihara cəhd edib
- Gəncədə 47 yaşlı kişi dərmandan zəhərlənərək ölüb