Sonuncu sınaq imtahanı olacaq - Qeydiyyat başladı
14:58 16 May 2018
I-IV ixtisas qrupları üzrə ali təhsil müəssisələrinə qəbul olmaq istəyən abituriyentlərin qəbul imtahanlarına daha səmərəli hazırlaşmalarına kömək məqsədi ilə iyunun 10-da sonuncu sınaq imtahanı keçiriləcək.
Dövlət İmtahan Mərkəzindən Femida.az-a verilən məlumata görə, sınaq imtahanları 1 növbə üzrə keçirilir və bütün binalarda saat 11:00-da başlayır.
İyunun 10-da keçiriləcək sınaq imtahanına qeydiyyat 16 may saat 10:00-dan 6 iyun saat 10:00-dək aparılacaqdır.
Sınaq imtahanının 11 şəhər və rayonda keçirilməsi nəzərdə tutulur. Nəzərinizə çatdırırıq ki, imtahan keçiriləcək binalar DİM-in rəsmi saytının müvafiq bölməsində hər şəhər və rayonda bir bina olmaqla yerləşdiriləcək. Növbəti imtahan binası sayta əvvəlki bina tam dolduqdan sonra yerləşdiriləcək.
Sınaq imtahanlarında iştirak etmək istəyən şəxslər ekabinet.dim.gov.az saytındakı "Şəxsi kabinet"in "Hesab" bölməsində "Sınaq imtahanına yazılmaq üçün ödəmə kartı"> "Sınaq imtahanının növü"> "Bakalavriat səviyyəsi üzrə sınaq imtahanı" ardıcıllığı vasitəsilə ödəmə kartını əldə edib eservices.dim.gov.az/sinaq səhifəsində YENİ İSTİFADƏÇİ kimi qeydiyyatdan keçməlidirlər. Sınaq imtahanında iştirak haqqı 20 AZN-dir.
Qeydiyyatdan keçmiş istifadəçilər istədiyi zaman yeni ödəmə kartı əldə edib hesablarının balansını artıra bilərlər. İstifadəçilər balanslarındakı vəsaitdən istifadə edib sınaq imtahanlarına istənilən şəxsləri yazdıra bilərlər.
Femida.az
Oxunub: 647
Oxşar xəbərlər
- ABŞ qitələrarası ballistik raket sınaqlarını ləğv edib
- Dünyada ilk dəfə Türkiyədə lazer silahlı pilotsuz uçuş aparatı sınaqdan keçirilib
- Polşada Ukrayna peyvəndinin sınaqlarına başlanılıb
- Türkiyənin yeni əl qumbaraatanı uğurla sınaqdan çıxıb
- “Füzuli” Beynəlxalq hava limanında sınaq uçuşları başlayıb
- Bu şəxslər dövlət qulluğuna sınaq olmadan qəbul ediləcək
- İsrail PUA-ları “ələ keçirən” lazer sistemini sınaqdan keçirib
- Putin: “S-500 zenit-raket kompleksinin sınaqları uğurlu olub”
- Türkiyə yeni PUA-nı uğurla sınaqdan keçirib
- İran ballistik raketlərin sınaqlarını keçirdi