Vəkillər Kollegiyası iclas keçirdi - İki vəkilə irad tutuldu

Vəkillər Kollegiyası iclas keçirdi - İki vəkilə irad tutuldu

15:11     17 May 2018 2018/05/vekiller_kollegiyasi_170518_1526555534.jpg

Vəkillər Kollegiyası Rəyasət Heyətinin növbəti iclası keçirilib.


Vəkillər Kollegiyasından Femida.az-a verilən məlumata görə, iclasda tədbir iştirakçılarına Rəyasət Heyətinin cari fəaliyyəti və vəkilliyə qəbul üzrə hazırda görülən işlərin vəziyyəti barədə məlumat verilib.

Daha sonra iclasın gündəliyinə əsasən, bir sıra vəkillərin müraciətlərinə baxılaraq fərdi vəkilliyə keçmə, məsləhətxana üzrə iş yerinin dəyişməsi, habelə fəaliyyətində fərqlənmiş vəkillərin mükafatlandırılması barədə müvafiq qərarlar qəbul olunub.

İclasda həmçinin, Vəkillərin İntizam Komissiyasının rəylərinə baxılıb, “Vəkillər və vəkillik fəaliyyəti haqqında” Qanun və Vəkillərin davranış qaydaları haqqında Əsasnamənin tələblərinin pozulması hallarına yol verdiklərinə görə 2 vəkilə intizam tənbeh tədbiri qismində irad tutulub.

Femida.az

Açar sözlər: #Vəkil   #İntizam   #Komissiya  

Oxunub: 503