Prezident qalmaqallı icra başçısını işdən çıxardı - YENİLƏNDİ
20:27 17 May 2018
Xaləddin Şahmar oğlu İsgəndərov Bakı şəhəri Binəqədi Rayon İcra Hakimiyyətinin başçısı vəzifəsindən azad edilib.
Femida.az-ın məlumatına görə, prezident İlham Əliyev müvafiq sərəncam imzalayıb.
***
Binəqədi rayon icra başçısı Xaləddin İsgəndərov vəzifəsindən azad edilib. X.İsgəndərov hazırda kollektivlə vidalaşır, qurumda təhvil-təslim aparılır. Başçının səlahiyyətləri birinci müavini İlqar Süleymanova həvalə olunub.
Femida.az xəbər verir ki, Xaləddin İsgəndərov xəbəri təsdiqləyib: “Xəbər düzdür. Artıq işsizəm. Yığışıb gedirəm evə”.
Yeni bir vəzifəyə təyinat alıb-almaması ilə bağlı suala o, “heç bir vəzifəyə təyinat almamışam” cavabı verib.
Qeyd edək ki, Xaləddin İsgəndərov Binəqədi rayon icra hakimiyyətinin başçısı postuna 2012-ci ilin aprelində təyinat alıb. O, bir müddət əvvəl vəzifəsindən kənarlaşdırılan vergilər naziri Fazil Məmmədovun yeznəsidir.
Femida.az
Oxunub: 3044
