İlahiyyat İnstitutuna bina ayrıldı
15:01 24 May 2018
Azərbaycan İlahiyyat İnstitutuna "20 Yanvar" metro stansiyası yaxınlığında bina ayrılıb.
Femida.az xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı bildirib.
M.Qurbanlı qeyd edib ki, instituta gələcəkdə şəhərdən kənarda yer ayrılacaq və kampus tikiləcək:
"Bu il İlahiyyat İnstitutuna dinşünaslıq və islamşünaslıq ixtisasları üzrə qəbul elan edilib. Ümumilikdə 60 tələbə qəbul olunacaq. İlahiyyat İnstitutuna birləşdirilən Bakı Dövlət Universitetinin İlahiyyat fakültəsində hazırda oxuyan tələbələr də nəzərə alınsa, təxminən 100 tələbə olacaq. Bu tələbələr üçün isə hazırda ayrılan bina yetərlidir".
O əlavə edib ki, gələcəkdə institutda xristianlıq, yəhudilik və digər dinlərlə bağlı ixtisaslar da yaradılacaq.
Komitə sədri deyib ki, İlahiyyat İnstitutuna yaxın vaxtlarda rektor təyin ediləcək.
Femida.az
Oxunub: 1679
Oxşar xəbərlər
- Prezident İlahiyyat İnstitutunun yeni binasının açılışında iştirak edib
- Azərbaycan İlahiyyat İnstitutunda seminar keçirilib
- Azərbaycan İlahiyyat İnstitutuna bina ayrılıb
- İlahiyyat İnstitutuna qəbul balı artıb
- İlahiyyat İnstitutu və Mənəvi Dəyərlərin Təbliği Fonduna yeni bina verilib
- Azərbaycan İlahiyyat İnstitutu əlaqələrini genişləndirir
- İlahiyyat İnstitutunda imtahan sessiyası başladı
- İlahiyyat İnstitutunda Arif Quliyev ilə görüş keçirilib
- Öpüşməklə oruc pozulurmu? - İlahiyyatçı AÇIQLADI
- İlahiyyat İnstitutunun saytı fəaliyyətə başlayıb