Azərbaycana yarım tondan çox heroin keçirmək istədilər - FOTO

Azərbaycana yarım tondan çox heroin keçirmək istədilər - FOTO


16:27     24 May 2018 2018/05/IMG_C-1527148257_3054301100.jpg

İran İslam Respublikasından Azərbaycan ərazisinə daxil olan yük avtomobili Astara Gömrük İdarəsinin Gömrük hüquqpozmalarına qarşı mübarizə şöbəsinin əməkdaşları tərəfindən risk analizləri nəticəsində saxlanılıb və yoxlanılıb.


Dövlət Gömrük Komitəsinin Mətbuat Xidmətindən Femida.az-a verilən məlumata görə, rentgen qurğusundan keçirilərkən həmin avtomobilin qoşqusunda şübhəli cizgilər müşahidə olunub.



Kinoloji xidmət itinin tətbiqi ilə təkrar baxış zamanı isə xidməti it qoşqudakı dörd paletə reaksiya verib. Daha sonra həmin paletlər açılıb və ümumilikdə 515 kq narkotik vasitə - heroin aşkar edilib. Faktla bağlı araşdırma aparılır.



Femida.az

Açar sözlər: #Gömrük   #Komitə   #Narkotik  

Oxunub: 1242