Lənkəranda müşavirə keçirilib

Lənkəranda müşavirə keçirilib

18:49     25 May 2018 2018/05/tedbir_1527253678.jpg

Bu gün Prezidenti Administrasiyasının Millətlərarası münasibətlər, multikulturalizm və dini məsələlər şöbəsinin təşkilatçılığı ilə Lənkəranda müasir dövrdə ölkəmizdə etno-siyasi və dini durumla bağlı regional müşavirə keçirilib.


Femida.az xəbər verir ki, tədbirdə Lənkəran şəhər, Astara, Lerik, Masallı, Yardımlı, Cəlilabad və Biləsuvar rayonlarının icra hakimiyyəti rəsmilərinin, hüquq-mühafizə orqanları nümayəndələrinin, regional təhsil və mədəniyyət idarələri müdirlərinin, Dini Qurumlarla İş üzrə Dövlət Komitəsinin, Qafqaz Müsəlmanları İdarəsinin regional bölmələri rəhbərlərinin, din xadimlərinin, ziyalıların, bələdiyyə sədrlərinin və ictimaiyyət nümayəndələrinin iştirakı ilə keçən müşavirəni giriş sözü ilə Lənkəranın icra başçısı Taleh Qaraşov açıb.

Digər çıxışlarda da dönə-dönə qeyd olunub ki, Prezident İlham Əliyevin həyata keçirdiyi siyasət nəticəsində ölkəmizin bölgələrində etno-siyasi və dini durumla bağlı vəziyyət normaldır, bu sahələrdə heç bir problem mövcud deyil. Natiqlər yerlərdə maarifləndirmə işinin ardıcıl və məqsədyönlü şəkildə aparıldığını diqqətə çatdırıblar.

Femida.az

Açar sözlər: #Prezident   #Administrasiya   #Lənkəran   #Müşavirə   #Millət  

Oxunub: 1803