Qarabağda yolsuz və perspektivsiz həyat- Ukrayna TV-nin reportajı
21:51 25 May 2018
Ermənistan tərəfindən işğal olunmuş Dağlıq Qarabağ bu gün inkişaf etmiş infrastrukturu, müasir yolları, beynəlxalq əlaqələri olmayan və sakinləri üçün heç bir perspektiv vəd etməyən bir əraziyə çevrilib.
Femida.az-ın məlumatına görə, bu barədə “112 Ukraina” telekanalında yer alan süjetdə deyilir.
Qeyd olunur ki, Dağlıq Qarabağda yaşayan ermənilər Ermənistandan başqa ölkələrə gedə bilmir, yerli uşaqlar isə beynəlxalq tədris proqramlarından məhrumdur.
Reportajda deyilir: “Dağlıq Qarabağın şəhərlərindən birində - Şuşada hələ də 1994-cü ilin silahlı münaqişəsindən xatırlatmalar qalıb: hər yerdə mərmilər tərəfindən dağılmış evlər görünür. Dağlıq Qarabağda həmçinin ticarət və təhsilin inkişafı üçün imkanlar azdır”.
Tanınmama statusu ilə əlaqədar olaraq yerli idman da, xüsusilə futbol çətinliklər yaşayır:
“Yerli futbol komandası beynəlxalq oyunlar keçirmək və rəsmi turnirlərdə iştirak etmək imkanından məhrumdur. Dəfələrlə edilən müraciətlərə baxmayaraq Qarabağa beynəlxalq futbol təşkilatlarında üzvlük hüququ verilməyib”.
Süjetdə vurğulanır ki, burada futbolçular elə bir stadionda məşq edir ki, oraya asfalt yol yoxdur, tamaşaçılar üçün oturacaqlar paslanıb, idmançılar isə köhnə avtomobillərdə stadiona gəlir və aşağı əmək haqqından şikayətlənir. Eyni zamanda onlar əlavə işdə işləməlidirlər, çünki futbolçu maaşı ilə yaşamaq mümkün deyil.
Femida.az
Oxunub: 1840
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Ukrayna ordusunun daha bir azərbaycanlı hərbçisi həlak olub
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Rusiya Ukraynanın Zaporojye şəhərini raket atəşinə tutub
- Ukrayna Baş Qərargahı: "Son sutkada Rusiyanın 44 tankı məhv edilib"
- Ukrayna Baş Qərargahı: "Rusiyanın itkiləri 59 mini keçib"
- Ukrayna Baş Qərargahı Rusiyanın itkilərinin sayını açıqlayıb
- Ukrayna Baş Qərargahı Rusiyanın itkilərini açıqlayıb
- Ukrayna Rusiyanın qismən səfərbərlik elan etməsinə münasibət bildirib
- Sergey Şoyqu: “Ukraynada 5 937 hərbçimiz ölüb”