MTN polkovnikinin məhkəməsi başladı
16:13 26 May 2018
Bakı Apellyasiya Məhkəməsində dələduzluqda təqsirləndirilən Ceyhun İbayev, Vüqar Əsədov, Vüqar Güləli, Anar İsmayılov və Nicat Əliyevin barəsində olan hökmdən dövlət ittihamçısı tərəfindən apellyasiya protesti və təqsirləndirilən şəxslərlə zərərçəkmişin verdiyi apellyasiya şikayətləri üzrə məhkəmə iclası başlayıb.
Femida.az xəbər verir ki, hakim Qədim Babayevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Məhkəmənin növbəti iclası iyunun 7-nə təyin edilib.
İttiham aktına əsasən, C.İbayev, V.Əsədov, V.Güləli, A.İsmayılov və N.Əliyev bir qrup vətəndaşın etibarından sui-istifadə edərək onlara qarşı dələduzluq edib.
Belə ki, həmin şəxslər zərərçəkmiş Səriyyə Tahirovanın həyat yoldaşını həbsdən azad edəcəkləri vədi veriblər. Onlar qadının 147 min manat pulunu dələduzluq yolu ilə ələ keçiriblər. Bundan başqa, təqsirləndirilən şəxslər digər vətəndaşlara da qarşı dələduzluq ediblər.
C.İbayev, V.Əsədov, V.Güləli və N.Əliyev Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham olunur.
Yalnız V.Əsədov, A.İsmayılov və C.İbayev barəsində ev dustaqlığı qətimkan tədbiri seçilmişdi.
Bakı Ağır Cinayətlər Məhkəməsinin hökmü ilə Vüqar Güləli 8 il, Ceyhun İbayev 6 il 6 ay, Vüqar Əsədov 6 il 6 ay, Nicat Əliyev 6 il 6 ay və Anar İsmayılov 2 il müddətinə azadlıqdan məhrum edilib. Ceyhun İbayev məhkəmə zalında həbs edilib, Vüqar Əsədov və Anar İsmayılovun barəsində isə şərti cəza verilməsinə dair qərar çıxarılıb.
Xatırladaq ki, V.Güləli ləğv edilmiş Milli Təhlükəsizlik Nazirliyinin (MTN) sabiq polkovniki, V.Əsədov isə Pentensiar Xidmətin keçmiş əməkdaşıdır.
Femida.az
Oxunub: 1653
Oxşar xəbərlər
- "MTN işi"ndə şahid: "Mövlam Şıxəliyev bizdən 135 min dollar aldı"
- Sabiq MTN generalının cinayət işinə baxan hakimin səhhətində problem yaranıb
- Sabiq MTN əməkdaşı niyə öldürüldü?- Havaya açılan atəş, narkotik, məhv olan həyatlar
- Həbsdə olan keçmiş MTN polkovnikinin ölüm səbəbi açıqlanıb
- Sabiq MTN generalının məhkəməsində keçmiş bank əməkdaşı ifadə verib
- MTN generalı özündən getdi, məhkəməyə təcili yardım çağırıldı
- MTN-in keçmiş əməkdaşı məhkəmədə ifadə verib
- MTN generalının məhkəməsinə jurnalistlər buraxılmayıb
- Bu gün daha bir keçmiş MTN generalının məhkəməsi başlayır
- MTN generalının məhkəməsində zərərçəkən: "Yaşar Aydəmirov dedi ki, pulu vermək lazımdır"