Tbilisidə metro işçiləri aksiyaları dayandırdı
17:44 06 İyun 2018
Tbilisi metrosunun maşinistləri kütləvi tətillə müşayiət olunan etiraz aksiyalarını dayandırıblar.
Femida.az xəbər verir ki, bu barədə aksiyaların təşkilatçısı, “Ertoba 2013” metrosu maşinistlərinin həmkarlar ittifaqının sədri Rati Kapanadze məlumat verib
Onun sözlərinə görə, dünən axşam saatlarında Tbilisi şəhər meriyasının nümayəndələri ilə aparılan danışıqlarda razılıq əldə olunub və bu gün saat 14:00-da şəhər metrosu yenidən fəaliyyətini bərpa edəcək.
Qeyd edək ki, Tbilisi metropolitenində təqribən 240 maşinist işləyir və onların hamısı maaşlarının saatda 7 laridən 10 lariyə qaldırlmasını tələb ediblər. Metro işçilərinin tətil keçirməsinə qəzəblənən Tbilisi şəhər meri Kaxa Kaladze bildirmişdi ki, onlar kifayət qədər yüksək maaş alırlar. Lakin sonradan Kaladze söz verib ki, 2019-cu ildən maaşları artırılacaq. Lakin bu, əmək haqqlarının indidən artırılmasını istəyən etirazçıları qane etməyib. Bu səbəbdən maşinistlər tətil elan edərək, metronun fəaliyyətini dayandırıblar.
Nəticədə şəhərdə sərnişinlərin çoxluğundan yerüstü nəqliyyat böhranı yaşanıb və xəttə əlavə avtobuslar çıxarılıb. Hətta avtobuslar sərnişinlərə pulsuz xidmət göstərməyə başlayıblar. Lakin bu da böhranı aradan qaldırmayıb.
Məlumat üçün bildirək ki, Tbilisi metrosu gündəlik 200 min sərnişinə xidmət edir.
Femida.az
Oxunub: 901
Oxşar xəbərlər
- Bolqarıstan yığmasının üzvləri Tbilisidə qəzaya düşüb
- Tbilisidə banka basqın olub
- Tbilisidə əcnəbi qadının qətlində ittiham olunan azərbaycanlı psixi sağlam hesab edilib
- Tbilisidə həbsxanada Ukrayna vətəndaşının meyiti aşkarlanıb
- Türkdilli ölkələrə Bakı-Tbilisi-Qarsın imkanlarından istifadəsi ilə bağlı çağırış edilib
- Kaxa Kaladze ikinci dəfə Tbilisi meri seçilib
- Tbilisidə Saakaşvilinin azad edilməsi tələbi ilə aksiya başlayıb
- Bakı-Tbilisi-Qars dəmir yolu xətti ilə bağlı protokol imzalanıb
- Baş nazir Tbilisi şəhərinin meri ilə görüşüb
- Bakı və Tbilisi arasında Qardaşlaşma haqqında Memorandum imzalandı