Səyyar “ASAN” Göyçayda
03:04 29 Sentyabr 2015
“ASAN xidmət” mərkəzlərinin təsis edilməsi regionlardakı əhaliyə xidmətlərin çatdırılması və mərkəzlərə gəlmədən vətəndaşların xidmətlərdən yararlanmalarının təmin edilməsi üçün zəruri müasir texnoloji avadanlıqlarla təchiz edilmiş irihəcmli xüsusi avtobuslar səyyar formada regionlarda əhaliyə xidmətlər göstərir.
Femida.az-ın xəbərinə görə, sentyabrın 28-dən səyyar “ASAN xidmət” Göyçay rayonunda əhaliyə xidmət göstərməyə başlayıb.
Belə ki, Göyçay və Ağdaş rayonlarının sakinləri oktyabrın 12-dək onlar üçün təşkil edilən “ASAN xidmət”in fəaliyyətindən yararlana biləcəklər. Səyyar şəkildə göstərilən xidmətlər Ədliyyə, Daxili İşlər nazirlikləri, Dövlət Sosial Müdafiə Fondu və Əmlak Məsələləri Dövlət Komitəsi tərəfindən təqdim olunur. Səyyar “ASAN xidmət”in həyata keçirilməsində əsas məqsəd dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin ediməsi və vətəndaş məmnunluğuna nail olmaqdır.
Sakinlərə notariat fəaliyyəti, vətəndaşlıq vəziyyəti aktlarının dövlət qeydiyyatı, şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi, fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi ilə bağlı xidmət göstərilir.
Oxunub: 591
Oxşar xəbərlər
- Səyyar ASAN Tovuzda
- Səyyar ASAN Neftçala və Pirəkəşküldə
- Səyyar `ASAN xidmət` beş yeni məntəqədə
- Səyyar “ASAN xidmət“də ödənişsiz tibbi müayinə
- Səyyar ASAN yeni məntəqələrdə
- Səyyar `ASAN qatar` Şabran
- Səyyar ASAN xidmət 3 şəhərə gedir
- Səyyar `ASAN xidmət` İsmayıllı və Lerikdə
- Səyyar `ASAN qatar` Balakəndə
- Səyyar ASAN bu bölgələrdə gedir - SİYAHI