Uşaqlarla bağlı yeni qanun - Zərərli informasiyalar...
22:44 12 İyun 2018
Milli Məclisin bu gün keçirilən növbədənkənar iclasında “Uşaqların zərərli informasiyadan qorunması haqqında” yeni hazırlanmış qanun layihəsi birinci oxunuşda müzakirəyə çıxarılıb.
Femida.az-ın məlumatına görə, yeni qanun layihəsi haqqında məlumat verən Milli Məclisin Ailə, qadın və uşaq komitəsinin sədri Aqiyə Naxçıvanlı bildirib ki, Prezidentin imzası ilə daxil olan qanun layihəsi 5 fəsil, 19 maddədən ibarətdir.
A.Naxçıvanlı qeyd edib ki, bu qanun layihəsi Konstitusiyanın 94-cü maddəsinin I hissəsinin 1-ci bəndinə uyğun olaraq, uşaqların yaşına uyğun informasiya əldə etmək hüququnun həyata keçirilməsi ilə əlaqədar olaraq uşaqların onlar üçün zərərli informasiyadan qorunması tədbirlərini müəyyən edir və bu sahədə yaranan münasibətləri tənzimləyir.
Qanun layihəsi müzakirələrdən sonra birinci oxunuşda qəbul olunub.
Femida.az
Oxunub: 1939
