“Sabah Bakı məktəbləri polis nəzarətində olacaq” - General

“Sabah Bakı məktəbləri polis nəzarətində olacaq” - General

14:57     13 İyun 2018 sehlab_bagirov_esas_8.jpg

Bakıda “Son zəng” günü orta məktəblərə polis nəzarəti gücləndiriləcək.


Femida.az xəbər verir ki, bu barədə açıqlamasında Bakı Şəhər Baş Polis İdarəsinin (BŞBPİ) rəis müavini, polis general-mayoru Səhlab Bağırov bildirib.

O qeyd edib ki, son zənglə əlaqədar iyunun 14-də Baş Polis İdarəsinin polis qarnizonu gücləndirilmiş iş rejimində çalışacaq. Paytaxtda fəaliyyət göstərən bütün məktəblər polisin nəzarətinə götürüləcək və orta məktəblərin yerləşdiyi ərazilərdə polis naryadlarının sayı artırılacaq. Həmçinin “Son zəng”lə bağlı tədbirlərin məktəblərin ərazisindən kənarda keçirilməsinə imkan verilməyəcək.

S. Bağırov "Son zəng" günü paytaxtda təhlükəsizlik tədbirlərinin yüksək səviyyədə təşkil olunacağını, ictimai asayişin tam təmin ediləcəyini bildirib.

Qeyd edək ki, bu il Azərbaycanda 83001 şagird 11-ci sinifi bitirəcək.

Femida.az

Açar sözlər: #Son-zəng   #Tədbir   #Paytaxt  

Oxunub: 1642