Erməni qəzeti Ermənistanı biabır etdi
20:23 29 Sentyabr 2015
Azərbaycan ordusunun erməni hərbi birləşmələrinin mövqelərinə endirdiyi zərbələrdən qorxuya düşən İrəvan ümidini Ermənistandakı yezidi kürdlərə bağlayıb.
Femida.az xəbər verir ki, Ermənistanda fəaliyyət göstərən “Sincar Yezidi Milli Birliyi” adlı təşkilat cəbhə xəttində ermənilərin təxribatlarına şiddətli cavab verən Azərbaycan ordusunun əməliyyatlarına etiraz bəyanatı yayıb.
Türkiyədə nəşr olunan erməni qəzeti “Agos”da dərc olunan bəyanatda yezidi kürdləri Azərbaycanı terror törətməkdə ittiham edib.
Bəyanatda yezidilər Azərbaycanı hədələyib və beynəlxalq ictimaiyyətə müraciət edərək, “Azərbaycanı dayandırın, əks təqdirdə, bu ölkəyə qarşı hücum edəcəyik” deyə bildiriblər.
Yezidilər könüllü şəkildə Azərbaycana qarşı ermənilər tərəfindən döyüşəcəklərini də bəyan ediblər.
Qeyd edək ki, yezidilər kürdlərin müsəlman olmayan hissəsidir. Bu gün onların PKK-nın tərkibində döyüşdüyü təsdiq olunmuş faktdır. Həmçinin yezidilər vaxtilə Ermənistanın ASALA kimi terror təşkilatlarında da fəaliyyət göstərib. Dünyanın müxtəlif yerlərində yaşayan yezidilər Ermənistanda da az sayda var. 2011-ci ilin statistikasına görə, düşmən ölkə əhalisinin 1,2 faizi yezidilərdir. Onların əsas hissəsi Armavir və Araqatosn vilayətindəki 30 dağlıq və dağətəyi kənddə məskunlaşıblar. Onlar Qarabağ müharibəsində Azərbaycana qarşı da döyüşüblər. Bir müddət öncə Qarabağda döyüşən yezidi kürdlərin fotosu da yayılmışdı.
Oxunub: 2330
Oxşar xəbərlər
- Ermənistandan Azərbaycana gələnlərin sayı açıqlanıb
- Ermənilərin törətdiyi terrordan 26 il ötür
- Ermənistan daha bir əsgərini itirdi
- Ermənistanı ağır il gözləyir
- Erməni əsgər boğulub öldü
- Erməni əsgər xidmət yoldaşı tərəfindən döyüldü
- Ermənilərin cəmi 9 faizi Sarkisyana inanır - VİDEO
- Erməni deputat: `Münaqişənin həlli Minsk qrupundan asılıdır`
- Ermənistanda yanacaq bahalaşdı
- Ermənistanda partlayış