“Azərbaycan etibarlı tərəfdaşdır” - Malena Mard
21:18 29 Sentyabr 2015
"Genişləndirmə çərçivəsində müxtəlif variantlar nəzərdən keçirilə bilər"
Azərbaycan Avropa İttifaqı üçün etibarlı tərəfdaşdır.
Femida.az xəbər verir ki, bunu bu gün Bakıda keçirilən ”Azərbaycan və Xəzər dənizi Neft və Qaz Həftəsi - 2015” (Azerbaijan & Caspian Sea Oil & Gas Week – 2015) konfransında Avropa İttifaqının Bakı ofisinin rəhbəri Malena Mard bildirib.
M. Mardın sözlərinə görə, Azərbaycanın ticarət dövriyyəsinin 43%-i Avropa İttifaqının payına düşür:
"Ticarət dövriyyəsinin böyük hissəsi enerji sektoruna aiddir. Məhz bu sahədə bizim çox güclü əlaqələrimiz var".
Azərbaycan qazının Avropaya ixracını nəzərdə tutan "Cənub Qaz Dəhlizi" layihəsindən söz açan səfir qeyd edib ki, bu layihə Avropa İttifaqı üçün strateji önəm daşıyır və ittifaq layihəni tam dəstəkləyir. Diplomat bildirib ki, layihənin nəzərdə tutulan vaxtda tamamlanması əsas məqsədlərdəndir və bu istiqamətdə işlər plana uyğun davam edir.
M. Mard əlavə edib ki, gələcəkdə "Cənub Qaz Dəhlizi" layihəsinin imkanları genişləndirilə bilər:
"Düşünürük ki, bu layihə bizim enerji strategiyamızın təhlükəsizliyi baxımından vacibdir. Genişləndirmə çərçivəsində müxtəlif variantlar nəzərdən keçirilə bilər. Biz Avropaya daha böyük həcmdə enerji resurslarının çatdırılmasını istərdik".
Oxunub: 668
Oxşar xəbərlər
- “Azərbaycanda bir yoxsul belə qalmayacaq” - Baş nazirin müavini
- “Azərbaycan Avropa Araşdırmaları Assosiasiyası” yaradıldı
- “Azərbaycan Avropa İttifaqından nəsə ummur” - Novruz Məmmədov
- “Azərbaycandakı təkanların İrandakı zəlzələ ilə əlaqəsi yoxdur”
- “Azərbaycan niyə BMT Təhlükəsizlik Şurasında olmasın?”- Ərdoğan
- “Azərbaycan öz hesabına yaşayan ölkələrdəndir” - İlham Əliyev
- “Azərbaycanın çox böyük neft ehtiyatları var” - İlham Əliyev
- “Azərbaycan dünyada idman dövləti kimi tanınır“ - İlham Əliyev
- “Azərbaycan xalqının səbri tükənməkdədir” - Səfir
- “Azərbaycan jurnalistikası inkişaf edir” – İlham Əliyev