15 iyun – Milli Qurtuluş günüdür!
14:27 15 İyun 2018
Azərbaycanda Milli Qurtuluş günü qeyd olunur.
Femida.az-ın məlumatına görə, 1993-cü ilin iyununda ölkədə yaranmış mürəkkəb ictimai-siyasi durum Azərbaycanda real vətəndaş müharibəsi təhlükəsi yaradıb.
Gəncədə dislokasiya olunmuş 709 saylı hərbi hissə itaətsizlik göstərərək Müdafiə Nazirliyinə tabe olmadığını bəyan edib, hökumət hərbi qiyamı yatırmaq üçün Gəncəyə hərbi birləşmələr göndərib. Lakin yürüdülən yarıtmaz siyasət nəticəsində qiyamın miqyası genişlənib və idarə olunmayacaq səviyyəyə çatıb. Qiyam qaldıran hərbi birləşmələr Bakıya doğru istiqamət götürüb, qiyamın başında duranlar hakimiyyətin dəyişməsini tələb edib.
Vətəndaş müharibəsi üçün ciddi zəmin yarandığı vəziyyətdə təhlükəli proseslərin qarşısını ala bilmədiyini dərk edən AXC-Müsavat iqtidarı son anda kömək üçün Heydər Əliyevə müraciət edib.
Naxçıvan Ali Məclisinin sədri olan görkəmli ictimai-siyasi xadim Heydər Əliyev xalqın və respublikanın hakim dairələrinin təkidli dəvətini qəbul edib, iyunun 9-da Bakıya gəlib.
Ölkəni vətəndaş müharibəsi təhlükəsindən qurtarmaq missiyasını üzərinə götürən Heydər Əliyev həyatını təhlükə altında qoyaraq Gəncəyə gedib və apardığı danışıqlar nəticəsində vətəndaş qarşıdurmasının genişlənməsinin qarşısını alıb.
1993-cü il iyunun 15-də Heydər Əliyev Azərbaycan Respublikası Ali Sovetinin sədri seçilib, bununla da, Azərbaycanın ən yeni tarixində növbəti və bu günə qədər davam edən uğurlu mərhələ başlayıb. 15 iyun Azərbaycanın tarixinə Qurtuluş günü kimi daxil olub.
15 iyun tarixi 1998-ci ildən dövlət səviyyəsində bayram kimi qeyd olunur və qeyri-iş günüdür.
Femida.az
Oxunub: 5064
Oxşar xəbərlər
- Ərdoğan: "Şuşada qardaşlarımızın qurtuluş sevincinə ortaq olduq"
- Ərdoğan: "Milli Qurtuluş Günündə Şuşadayıq" - VİDEO
- Leyla Əliyeva Milli Qurtuluş Günü ilə bağlı paylaşım edib
- Mehriban Əliyeva Milli Qurtuluş Günü münasibətilə paylaşım edib
- Ərdoğan: "Dağlıq Qarabağın qurtuluşu ilə Qafqazda yeni bir dönəmin qapıları açılıb"
- Azərbaycanda Milli Qurtuluş Günüdür
- Lənkəranda Milli Qurtuluş Günü qeyd olunub
- Azərbaycanda Milli Qurtuluş Günüdür
- Sərhədçilər 2 km-lik bayraqla zəfər yürüşü keçirdi - Fotolar
- Dövlət Sərhəd Xidməti “Qurtuluş Günü”nü qeyd edir