Dövlət Sərhəd Xidməti “Qurtuluş Günü”nü qeyd edir


16:17     15 İyun 2018 2018/06/1291845C-0D35-4D93-B51A-96AAF3437133_1529050942.jpeg

Dövlət Sərhəd Xidmətinin (DSX) hərbi qulluqçuları Yevlaxda 15 iyun – “Azərbaycan xalqının Milli Qurtuluş gü­nü”nün 25-ci ildönümünü ilə əlaqədar "Zəfərə doğru" adlı bayraq yürüşü keçiriblər.

Bu barədə Femida.az-a DSX-nın mətbuat mərkəzindən məlumat verilib.

Bildirilib ki, Xidmətin Yevlax rayonunda yerləşən hərbi his­səsində Döv­lət himninin səslənməsi ilə başlanan tədbirdə çıxış edən DSX-nın rəisi general-polkovnik Elçin Quliyev Azərbaycan xalqının “Milli Qurtuluş günü”nün 25-ci ildönümü münasibətilə şəxsi heyəti təbrik edib.

E. Quliyev xalqın tə­kidi ilə hakimiyyətə qayıdan ulu öndər Heydər Əliyevin sarsılmaz ira­dəsi, əzmi və zən­gin döv­lətçilik təcrübəsi sayəsində qısa zaman ərzində ölkədə sabitliyi bərpa et­məsini, tənəzzülün qarşısını alaraq dövlətçiliyimizi qоru­masını, müstə­qil­liyi­mizin əbədiliyini və dönməzliyini təmin еtməsini xatır­la­dıb: “95 illik yubileyini qeyd etdiyimiz ümummilli lider Heydər Əliyevin dövlət sər­hədlərimizin qorunması, Azərbaycan sərhəd mühafizəsinin formalaşması və inki­şafı isti­qamə­tindəki xidmətləri, böyük dövlət xadiminin müəyyənləş­dirdiyi milli sər­həd strate­giyasının Azərbaycan Prezidenti, Silahlı Qüvvə­lərin Ali Baş Komandanı cənab İlham Əliyev tərəfindən uğurla həyata keçiril­məsi sayə­sində ölkəmizin sərhəd mühafizəsi ən müasir tələblər səviyyəsinə qaldırıl­ıb”.

Təntənəli düzülüşdən sonra 2 km uzunluqda dövlət bayra­ğımız başda DSX-nin rəhbər heyəti, generallar və zabitlər olmaqla 2000 nəfərdən çox sərhədçinin çiyinləri üzərində hərbi hissə­dən çıxarılaraq vətənpərvərlik mahnılarının sədaları və yerli sakin­lərin izdihamlı alqışları altında zəfər yürüşü keçirilib.

Yürüş iştirakçılarının önündə gedən Qarabağ atları üzərində sərhədçi süvarilərin başları üzərinə ucalt­dıqları dövlət bay­rağının tədbirə cəlb olun­muş zirehli döyüş tex­ni­­ka­larının üzərində də dalğalan­ması, bayrağımızdakı səkkiz guşəli ulduzu tərən­nüm edən 8 helikopterin qrup halında uçuşları tədbiri daha da möhtəşəm edib.

Femida.az

Açar sözlər:

Oxunub: 4450