DİN-in saxlama yerlərində işgəncə verilir? - Nazir müavini açıqladı

00:47     21 İyun 2018

Ombudsmanın Milli Preventiv Qrupunun, İşgəncələrə qarşı Azərbaycan Komitəsinin və digər aidiyyəti qurumların əməkdaşları tərəfindən polisin müvəqqəti saxlama yerlərində birbaşa və məhdudiyyətsiz monitorinqlər keçirilir.

Femida.az xəbər verir ki, bunu "Hüquq bərabərliyinin təmin olunmasında və təşviqində milli insan hüquqları təsisatlarının rolu" mövzusunda keçirilən Ombudsmanların XV Bakı Beynəlxalq Konfransının plenar iclasında daxili işlər nazirinin müavini İsmət Əliyev deyib.

Nazir müavini bildirib ki, son 10 ildə Daxili İşlər Nazirliyinin (DİN) 72 müvəqqəti saxlama yerində aparılan monitorinqlər zamanı insan hüquq və azadlıqlarının pozulması halı aşkar olunmayıb.

İ. Əliyev qeyd edib ki, polis əməkdaşları tərəfindən insan hüquq və azadlıqlarının pozulması hallarına dair şikayətlər, kütləvi informasiya vasitələrində yayılan məlumatlarla bağlı DİN tərəfindən xidməti araşdırmalar aparılır və lazımi tədbirlər görülür.

Femida.az

Açar sözlər: #DİN   #polis   #işgəncə   #hüquq  

Oxunub: 2517