“İnsan alveri və məcburi əmək” mövzusunda seminar - VİDEO + FOTOLAR

“İnsan alveri və məcburi əmək” mövzusunda seminar - VİDEO + FOTOLAR

18:20     27 İyun 2018 2018/06/IMG_1-1529671893_1529672568.jpg

22 iyun tarixində “Femida.az” hüquq yüklü xəbər portalı, Azərbaycan Respublikası Daxili İşlər Nazirliyinin İnsan Alverinə qarşı Mübarizə Baş İdarəsi və Milli Hüquq Evinin birgə seminarı baş tutub.


Tədbirdə İnsan Alverinə qarşı Mübarizə Baş İdarəsi nin əməkdaşı, Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov , Azərbaycan Vəkillər Kollegiyasının üzvü vəkil Ruslan Vəliyev və media qurumlarının əməkdaşları iştirak ediblər.

Seminarda insan alveri anlayışı, insan alveri qurbanları, onların sosial və hüquqi müdafiəsi, insan alverinə qarşı mübarizə tədbirləri, məcburi əməyə cəlb etmənin insan alveri cinayəti ilə əlaqəsi və s. məlumat verilib.

Seminarda hüquqşünas Sahib Məmmədov qanunsuz miqrasiya, məcburi əmək və insan alveri qurbanları ilə bağlı çıxış edib və məcburi əməyə cəlb etmənin insan alveri cinayəti ilə əlaqəsindən söz açıb. Bildirilib ki, məcburi əmək insan istismarının bir formasıdır.





Azərbaycan Respublikası Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşı isə çıxışında bildirib ki, əvvəlki illərlə müqayisədə insan alveri ilə bağlı faktların sayı artıb. 2017-ci ildə Azərbaycanda insan alveri ilə bağlı 142 fakt qeydə alınıbsa, 2015-ci ildə 109, 2016-ci ildə isə 141 fakt müəyyən edilib.

Azərbaycan Vəkillər Kollegiyasının üzvü Ruslan Vəliyev isə “İnsan Alveri qurbanlarının mediada konfidensiallığının (anonimliyinin) qorunması” mövzusu ilə seminarda iştirak edib. Vəkil bildirib ki, jurnalistlər insan alveri qurbanları haqda yazarkən anonimlik və həssaslıq prinsiplərinə əməl etməlidirlər.

Daha sonra çıxış edənlər tədbir iştirakçılarının və jurnalistlərin suallarını cavablandırıblar.















Müxbir: Oğuz Altay
Operator: Əhməd Xəlilov
Montaj: Bəxtiyar Məmmədov
Fotolar: Elvin Abdulla


Femida.az

Açar sözlər: #Seminar   #Təlim   #DİN   #Hüquq   #İnsan  

Oxunub: 2393