Aprel müharibəsi ilə bağlı yeni DƏHŞƏTLİ FAKTLAR ORTAYA ÇIXDI
22:12 25 İyun 2018
2016-cı il aprel müharibəsinin gedişatında Dağlıq Qarabağda həlak olmuş çavuş Robert Abramyanın bədəninin tibbi məhkəmə ekspertizası nəticəsində onun ölümündən üç gün əvvəl heç nə yemədiyi müəyyən edilib.
Femida.az xəbər verir ki, Ermənistan KİV-inə istinadən xəbər verir ki, bu haqda çavuşun atası Abram Abramyan bildirib.
O, general Manvel Qriqoryana aid olan ərazilərdə əsgərlər üçün nəzərdə tutulan böyük miqdarda ərzaq məhsulunun Milli Təhlükəsizlik Xidməti tərəfindən aşkarlanması ilə əlaqədar "Azadlıq” radiosunun erməni xidmətinə danışıb: "Bizim uşaqlarımız aclıq çəkəndə, o, öz ayılarını həmin ərzaqla yedirirdi. Mənim uşağım ölümündən əvvəl üç gün ac idi. Onun üç gün heç nə yemədiyini göstərən kağızları gətirə bilərəm. Tox olsaydı, bu ağrıya müqavimət göstərər, sağ qalardı”.
Onun sözlərinə görə, ordudakı oğurluqlar haqqında hələ 2016-cı ilin aprelindən bilirdilər.
"Ararat vilayətinin uzaq Taperakan kəndində yaşayaraq bu haqda bilirdimsə, deməli, bütün yüksəkvəzifəli məmurlar bu haqda dəqiq bilirdilər. İnsanlar şəxsən mənə danışırdılar ki, əsgərlərə çatdırılması üçün yardım aparırdılar. Amma Manvel Qriqoryan deyirdi: mənə gətirin və anbarlarda saxlayaq”, - Abram Abramyan vurğulayıb.
Dördgünlük aprel müharibəsinin gedişatında həlak olmuş kapitan Ovsep Kirakosyana ailəsi Eçmiədzin yaxınlığında Apaqa kəndində yaşayır. Kirakosyanın anası, Marqarita ağrı ilə danışır ki, Manvel Qriqoryan onlardan bir neçə kilometr aralıda heyvanlara daha çox qayğı göstərirdi.
Kapitanın dul arvadı Maryanın bir arzusu var: uşaqları mənzillə təmin etmək. Marya Manvel Qriqoryanın qəhrəman rütbəsini məhrum edilməsini tələb edir.
"Onlar qəhrəman deyillər. Soyğunçu qəhrəman adlandırıla bilməz”, - o söyləyib.
Xatırladaq ki, Manvel Qriqoryan ötən həftə bağ evində qanunsuz silah və döyüş sursatlarının aşkar edilməsi, həmçinin 2016-cı ilin aprel döyüşlərində erməni əsgərlərinə göndərilmiş yardımı mənimsəməkdə təqsirli bilinərək həbs olunub.
Manvel Qriqoryan Qarabağ müharibəsində azərbaycanlılara qarşı qəddarlıqları ilə yadda qalıb. O, sonrakı dövrdə bu qəddarlığının "çörəyini yeyib”. Qriqoryan haqqında yayılan məlumatlara görə, o, müharibə zamanı erməni hərbi birləşmələri tərəfindən əsir götürülən azərbaycanlılardan birini öz evində 4 il müddətində qul kimi işlədib
Oxunub: 10349
Oxşar xəbərlər
- Sarkisyan ifşa olundu: Aprel döyüşlərində Baden-Badendə dincəlirmiş
- Aprel döyüşləri: Şanlı qələbənin əsas müjdəçisi - VİDEO
- Mehriban Əliyeva Aprel döyüşləri ilə bağlı paylaşım edib
- İlham Əliyev: “Heç kimin Aprel döyüşləri yadından çıxmasın”
- "Aprel döyüşləri mənfur qonşumuza dərs olmalı idi" - Dövlət başçısı
- Mehriban Əliyeva: "Aprel döyüşlərində həlak olmuş igid oğullarımızın əziz xatirəsi qəlbimizdə daim yaşayacaq"
- Xaçaturov aprel döyüşləri ilə bağlı dindiriləcək
- Müdafiə naziri aprel döyüşlərində azad edilmiş ön xətt mövqelərində olub - VİDEO
- Aprel döyüşlərini araşdıran komissiyanın qapalı iclasından - DETALLAR
- Zakir Həsənov : "Aprel döyüşləri zamanı ermənilər yiyələrinin yanına qaçıb..." (VİDEO)