Seyidağa Mövsümlü dəfn olunub
20:16 26 İyun 2018
Azərbaycan Ordusunun ilk hərbi operatoru Seyidağa Mövsümlü dəfn olunub.
Qarabağ qazisi, jurnalist Rey Kərimoğlunun sözlərinə görə, S. Mövsümlü Buzovna qəbiristanlığında torpağa tapşırılıb.
Mərhum teleoperatorun dəfn mərasimində Müdafiə Nazirliyinin nümayəndələri, kütləvi informasiya vasitələrinin əməkdaşları, müharibə veteranları və ailə üzvləri iştirak ediblər.
***
Azərbaycan Ordusunun ilk hərbi operatoru Seyidağa Mövsümlü vəfat edib.
Femida.az Unikal.org-a istinadən xəbər verir ki, Qarabağda gedən döyüşlərdə aldığı yaradan əziyyət çəkən S. Mövsümlü iyunun 25-də axşam saatlarında dünyasını dəyişib.
Mərhum Buzovna qəbiristanlığında, anasının yanında dəfn olunacaq.
Seyidağa Mövsümlü 1954-cü ildə Ucar rayonunda anadan olub. Azərbaycan Dövlət Teleradio Komitəsində teleoperator assistenti vəzifəsində əmək fəaliyyətinə başlayıb.
O, 1988-ci ildə başlayan xalq hərəkatından sonra tanınmağa başlayıb.
S. Mövsümlü xalq hərəkatını, 20 yanvar faciəsini, Xocalı soyqırımını, bütövlükdə Qarabağ müharibəsini lentə alan ilk operatorlardandır.
O, ermənilərin törətdikləri cinayətləri videolentə çəkmək üçün Qarabağın bütün rayonlarında, Naxçıvan və digər bölgələrdə olub.
Dövlət televiziyasında çalışan vaxtlarında Azərbaycan Müdafiə Nazirliyinin yaratdığı ilk batalyonun – “Şıxov” batalyonunun ilk könüllülərindən olub. Bu batalyonda erməni işğalçılarına qarşı aparılan əməliyyatlarda qəhrəmancasına döyüşüb. İki dəfə yaralanıb.
19 fevral 1992-ci ildən Müdafiə Nazirliyinin mətbuat mərkəzində operator kimi işə başlayıb.
2002-ci ilə qədər Müdafiə Nazirliyində müxtəlif vəzifələrdə çalışıb. 2002-ci ildən ordudan tərxis olunub və köhnə iş yerinə – AzTV-yə qayıdıb.
Allah rəhmət eləsin!
Femida.az
Oxunub: 2229
Oxşar xəbərlər
- Abşeronda hərbi sursat aşkarlanıb
- XİN Azərbaycanın hərbi cinayətlərdə ittiham olunmasına münasibət bildirib
- Azərbaycanda hərbi xidmətə növbəti çağırış başlayıb
- Rusiyada hərbi komissarlığa silahlı hücum olub, hərbi komissar ölüb
- Pakistanda hərbi helikopter qəzaya uğrayıb, 2 zabit, 4 əsgər ölüb
- Putin: “Ukraynadakı xüsusi hərbi əməliyyatın əsas məqsədi Donbasın azad olunmasıdır”
- MN: "Silahlı Qüvvələrin 50 hərbi qulluqçusu şəhid olub"
- Hərbi attaşelər Ermənistanın genişmiqyaslı təxribatı barədə məlumatlandırılıb
- Sərhədin Laçın və Kəlbəcər istiqamətlərində Ermənistanın xeyli canlı qüvvəsi və hərbi hissələri məhv edilib
- Azərbaycan Ordusunun hərbi qulluqçusu həlak oldu (RƏSMİ)