Avtovağzalda süni qiymət artımı - Taksilər niyə bahalaşdı?
23:12 30 İyun 2018
Bakı-Sumqayıt yolunda davam edən təmir Bakı Beynəlxalq Avtovağzal Kompleksindən rayonlararası taksi xidməti göstərən minik avtomobillərinin qiymətinə də təsir edir.
Femida.az Axar.az-a istinadən xəbər verir ki, sözügedən yolda 4 gündür başlayan təmiri bəhanə edən bölgələr üzrə çalışan taksi sürücüləri qiyməti bahalaşdırıb. Artıq 4 gündür 7 manatlıq yola sərnişinlərdən 10 manat tələb edilir.
Xüsusilə sıxlıq və təmir edilən yola girən sürücülər “Şamaxı yolu” adlanan əraziyə əvvələr 5 manat tələb etdikləri halda, 4 gündür bu xidmət haqqını 7-8 manata qaldırıblar.
Sərnişinlərin sözlərinə görə, 26 iyundan etibarən Şamaxıya gedən taksilərin qiyməti də adambaşına 10 manat olub. Sürücülər bunu həmin yolda böyük tıxac və sıxlığın olması, bunun da yanacaq sərfiyyatına təsiri səbəbindən etdiklərini bildiriblər. Həmçinin sürücülər təmirə görə tıxacda çox vaxt itirdikləri üçün gündəlik iş rejimlərinə də təsir edir və daha az qazanırlar ki, bunu da sərnişinlərdən çıxarmaq istəyirlər.
Xatırladaq ki, bu gündən etibarən Beynəlxalq Avtovağzal Kompleksinin qarşısından “Azadlıq körpüsü” deyilən əraziyə qədər olan hissə avtomobil tuneli ilə birgə istifadəyə verilsə də, hazırda Bakı-Sumqayıt yolunda təmir işləri davam edir.
26 iyun tarixindən başlayan işlər təxminən 20 gün davam edəcək./axar.az
Yeri gəlmişkən, avtovağzaldakı qiymət artımı səyyar taksilərin də xidmətindən yan kəçməyib. Lökbatan dairəsi yaxınlığından Mərkəzi Aran və Cənub bölgəsinə gedən maşınlar qiyməti iki qat artırıb. Məsələn, Salyan rayonuna gediş 3 manatdan 5 manata, Biləsuvara 5 manatdan 10 manata qaldırılıb. Sürücülər bunu isti havada kondisioneri yandırdığı üçün daha çox benzin işlətməsi ilə ələqələndirib.
Femida.az
Oxunub: 1140
Oxşar xəbərlər
- Bakıda yolların yenidən qurulmasına 4,23 milyon manat ayrılıb - SƏRƏNCAM
- Həftəsonu yol qəzalarında 6 nəfər ölüb
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Suriyada vəbaya yoluxanların sayı 426-ya çatıb
- Həftəsonu yol qəzalarında 6 nəfər ölüb
- Lerikdə baş verən ağır yol qəzası ilə bağlı cinayət işi başlanılıb
- Lənkəran rayonunda ölümlə nəticələnən yol qəzası baş verib - VİDEO
- Türkiyədə ağır yol qəzasında 8 nəfər ölüb, 10 nəfər ağır yaralanıb
- Həftəsonu yol qəzalarında 6 nəfər ölüb
- İbrahim Tatlısəs yol qəzasına düşüb