Elmar Məmmədyarov sərt danışdı


14:21     01 Oktyabr 2015 7ab32f59-d1e6-4c50-b072-f9ad0f73c056.jpg

Dağlıq Qarabağ regionu həmişə Azərbaycanın ayrılmaz hissəsi olub və belə də olacaq.


Femida.az xəbər verir ki, bunu BMT Baş Assambleyasının 70-ci yubiley sessiyasının ümumsiyasi müzakirələri zamanı çıxış edən Azərbaycanın xarici işlər naziri Elmar Məmmədyarov bildirib.

Onun sözlərinə görə, münaqişə yalnız Azərbaycanın suverenliyi və ərazi bütövlüyü əsasında ölkənin beynəlxalq səviyyədə tanınmış sərhədləri daxilində nizamlana bilər.

Elmar Məmmədyarov qeyd edib ki, Azərbaycan torpaqlarının hərbi işğalı problemin həlli ola bilməz və heç vaxt Ermənistanın gözlədiyi siyasi nəticələri verməyəcək. O əlavə edib ki, Ermənistan prezidenti Serj Sarqsyan Baş Assambleyada çıxışı zamanı münaqişə ilə bağlı bəzi faktları təhrif edib.

XİN rəhbəri əmin edib ki, Azərbaycan münaqişənin nizamlanması üzrə danışıqlarda uğurun əldə olunmasında hamıdan çox maraqlıdır. Onun fikrincə, region ölkələri və xalqları əməkdaşlıq və iqtisadi inkişaf imkanlarından yalnız mənfəət əldə edə bilərlər.

Elmar Məmmədyarov sonda ölkəsi adından BMT-yə üzv ölkələrə Azərbaycan üçün mühüm olan məsələlər, xüsusilə də, onun suverenliyi və ərazi bütövlüyü ilə bağlı tutduqları prinsipial mövqeyə görə təşəkkür edib.

Açar sözlər:

Oxunub: 761