İrana elektrik verilişi dayandırıldı - Qəzaya görə
18:48 03 İyul 2018
Ötən gecə Mingəçevirdə yerləşən Azərbaycan İstilik Elektrik Stansiyasının yarımstansiyalarının birində baş verən qəza nəticəsində İrana elektrik enerjisinin ixracı dayandırılıb.
Femida.az xəbər verir ki, bunu “Report”a “Azərenerji” ASC-nin İctimaiyyətlə əlaqələr və mətbuat xidmətinin rəisi Yəhya Babanlı bildirib.
Qeyd edək ki, aprel ayında “Azərenerji” və “TAVANİR” şirkəti arasında imzalanan müqaviləyə əsasən iyunun 1-dən etibarən “Azərenerji” İranın təcrid olunmuş ada rejimində olan Muğan və Astara bölgələrinə elektrik enerjisinin ixracına başlayıb. Ötürülmənin pik gücü 80 MVt-a çatır.
Xatırladaq ki, iyulun 3-də gecə saatlarında Mingəçevir şəhərində yerləşən “Azərbaycan İstilik Elektrik Stansiyası” MMC-nin yarımstansiyalarından birində cərəyan transformatorunda qəza baş verib. Bununla əlaqədar Bakı və Gəncə şəhərləri də daxil olmaqla respublikanın 39 şəhər və rayonunun elektrik enerjisi ilə təminatında fasilə yaranıb.
Prezident İlham Əliyev baş vermiş qəza ilə əlaqədar Dövlət Komissiyasının yaradılması haqqında sərəncam imzalayıb.
Femida.az
Oxunub: 654
Oxşar xəbərlər
- “Azərişıq” ASC-yə məxsus 9250 manatlıq naqil oğurlanıb
- “Azərişıq” ASC-nin sabiq əməkdaşlarına cinayət işi açılıb
- "Azərişıq" ASC-nin bəzi xidmətləri ödənişsiz olacaq
- “Azərişıq” ASC-nin Şuşa Rəqəmsal İdarəetmə Mərkəzinin açılışı olub
- Ali Məhkəmə “Azərişıq” ASC-nin şöbə rəisi ilə bağlı qərar elan edib
- Məişət zorakılığı barədə məlumatların mediada düzgün işıqlandırılması ilə bağlı tövsiyələr hazırlanıb
- “Azərişıq” bayram günlərində gücləndirilmiş iş rejimində çalışacaq
- Bakıda avtomobil işıq dirəyinə çarpılıb, qadın ölüb
- Şirvanda işıq dirəklərini oğurlayan şəxs saxlanılıb
- Bakıda avtomobil işıq dirəyinə çırpılıb, 26 yaşlı gənc ölüb