Bakıda neçə avtobusda kondisioner var? - BNA-dan cavab


22:44     05 İyul 2018 avtobus6.jpg

Bakıda sərnişindaşımada 400-dən artıq kondisionerli avtobus fəaliyyət göstərir.


B barədə Femida.az-a açıqlamasında Bakı Nəqliyyat Agentliyinin ictimaiyyətlə əlaqələr şöbəsinin müdiri Mais Ağayev deyib.

M.Ağayevin sözlərinə görə, hazırda avtobus bazasının yenilənməsi üçün zəruri addımlar atılır: "Hazırda şəhərdaxili marşrutlarda ümumilikdə 2100 avtobus fəaliyyət göstərir. Həmin avtobusların da yenilənməsi ilə bağlı tədbirlər davam etdirilir".

Bakıda sərnişin nəqliyyatında fəaliyyət göstərən "BakuBus" MMC-nin mətbuat xidmətinin rəhbəri Qabil Babayev Trend-ə açıqlamasında bildirib ki, hazırda təmsil etdiyi quruma məxsus 13 marşrut xətti sərnişinlərə xidmət edir: "Həmin marşrutlar 1, 2, 3 5, 6, 8, 13, 14, 17, 21, 125 və 75 saylı marşrut xətləridir. Həmin marşrut xətlərində fəaliyyət göstərən avtobuslar hamısı kondisionerlidir".

Q.Babayev deyib ki, MMC-nin "Hava Limanı Ekspress" marşrutundakı avtobuslar da tam müasir standartlara cavab verir.

Femida.az

Açar sözlər:

Oxunub: 627