Yardımlıda meşə yanğını davam edir – Külək alovu söndürməyə imkan vermir
19:51 06 İyul 2018
İyulun 5-də gecə saatlarında Masallı Regional Meşə Təsərrüfatı Mərkəzinin çətin keçilən dağlıq meşə fondu ərazisində başlamış yanğının söndürülməsi istiqamətində tədbirlər davam etdirilir.
Ekologiya və Təbii Sərvətlər Nazirliyinin (ETSN) mətbuat xidmətindən Femida.az-a verilən məlumata görə, ETSN ilə bərabər Fövqəladə Hallar Nazirliyinin (FHN) canlı qüvvəsi, helikopter və aviasiyası yanğın söndürülmə işlərinə cəlb olunub.
“Havanın isti və küləkli olması yanğının tam söndürülməsində çətinliklər yaradır. Nisbi rütubətin 23 faiz, küləyin sürətinin 14 m/san və yüksək temperatur rejimi işlərin aparılmasına əngəllik yaratsa da, yanğın söndürülmə işləri davam etdirilir. ETSN Fövqəladə Hallar Nazirliyinin qüvvələrinə dərin minnətdarlıq bildirir, eyni zamanda rayon icra hakimiyyəti, Masallı, Yardımlı, Cəlilabad rayonlarının sakinlərinin yanğının söndürülməsinə yaxından köməkliyini xüsusi vurğulayır. Ekologiya və təbii sərvətlər nazirinin müavini Firdovsi Əliyev 5 iyul tarixindən yanğın baş verən ərazidə nazirliyin yanğına qarşı səfərbər olunan qüvvələrinə rəhbərlik edir”, - deyə Nazirliyin məlumatında bildirilib.
Femida.az
Oxunub: 738
Oxşar xəbərlər
- Yardımlıda mağaza sahibi olan qadın balta ilə qətlə yetirilib - RƏSMİ
- İmişli, Zaqatala və Yardımlıda ağacların qanunsuz kəsilməsinə görə cinayət işi açılıb
- Yardımlıda 52 yaşlı qadın itkin düşüb - FOTO
- Cəlilabad-Yardımlı avtomobil yolunda hərəkət bərpa edilib
- Cəlilabad-Yardımlı avtomobil yolunda hərəkət bərpa edilib
- Yardımlıda avtomobil dərəyə aşıb, ölən və yaralananlar var
- Yardımlıda əri tərəfindən döyülən qadın ağır xəsarətlər alıb
- Yardımlıda baş verən yanğın söndürülüb
- Yardımlıda yanğının söndürülməsi işləri davam edir - VİDEO
- İki nazirlik Yardımlıdakı yanğınla bağlı məlumat yaydı