Nazirliyə 12 min müraciət daxil olub
19:32 06 İyul 2018
Bu ilin iyun ayında Azərbaycan Respublikasının Əmək və Əhalinin Sosial Müdafiəsi Nazirliyinin (ƏƏSMN) 142 - “Çağrı mərkəzi”nə vətəndaşlar tərəfindən 12111 müraciət daxil olub.
Nazirlikdən Femida.az-a verilən məlumata görə, müraciətlər sosial təminat, tibbi-sosial reabilitasiya, aktiv məşğulluq tədbirlərinə, o cümlədən özünüməşğulluq proqramına cəlb olunma, əmək qanunvericiliyinə əməl olunması, sığorta-pensiya sistemi, bu sahələr üzrə elektron xidmətlərdən istifadə və s. məsələlərlə bağlı olub. Onlardan 96 faizə qədərini sorğu xarakterli müraciətlər təşkil edib.
Sorğuların hər biri nazirliyin aidiyyəti sahələr üzrə mütəxəssisləri tərəfindən operativ və ətraflı cavablandırılıb. Araşdırılması tələb olunan sorğular nazirliyin aidiyyəti struktur bölmələrində baxılıb və müvafiq tədbirlər görülüb.
SMS-məlumatlandırma xidməti də davam etdirilərək, ötən ay vətəndaşların aidiyyəti məsələlər üzrə məlumatlandırılması məqsədilə 34611 SMS göndərilib.
Femida.az
Oxunub: 722
Oxşar xəbərlər
- Nazirliyə yeni səlahiyyətlər verildi
- Nazirliyə daxil olan şikayət araşdırıldı
- Nazirliyə yeni səlahiyyətlər verilib - Övladlığagötürmə ilə bağlı
- Nazirliyə suallarınızı canlı yayımdan verə biləcəksiz
- Nazirliyə yeni mətbuat katibi təyin edildi
- Nazirliyə üç ayda 548 müraciət edilib
- Nazirliyə bir ildə 160 374 müraciət edilib
- Nazirliyə bir ayda 11 min müraciət edilib
- Nazirliyə 185 müraciət daxil oldu - 182-i həll edildi
- Nazirliyə 3,5 milyon manat ayrıldı