Müdafiə naziri Bolqarıstanın yeni səfiri ilə görüşüb
22:00 09 İyul 2018
Azərbaycanın müdafiə naziri, general-polkovnik Zakir Həsənov Bolqarıstan Respublikasının yeni təyin olunan səfiri Nikolay Yankov ilə görüşüb.
Müdafiə Nazirliyinin mətbuat xidmətindən Femida.az-a verilən xəbərə görə, səfiri təyinatı ilə əlaqədar təbrik edən nazir Azərbaycan və Bolqarıstan arasında ikitərəfli hərbi əməkdaşlıq əlaqələrinin mövcud vəziyyətinə toxunub və bu əməkdaşlığın genişləndirilməsinin vacibliyini vurğulayıb.
Regiondakı hərbi-siyasi vəziyyətə toxunan nazir Ermənistanın işğalçılıq siyasətinin davam etdiyini və danışıqların rəsmi Yerevan tərəfindən qəsdən uzadılmasının bölgədəki şəraitə mənfi təsir göstərdiyini diqqətə çatdırıb.
Diplomat da öz növbəsində Azərbaycanda səfir təyin edilməsindən məmnun olduğunu söyləyib, ölkəsinin Azərbaycanla bütün sahələrdə əməkdaşlıqda maraqlı olduğunu bildirib. N. Yankov qeyd edib ki, Bolqarıstan Azərbaycanı dost ölkə hesab edir, onun ərazi bütövlüyünü tanıyır və Dağlıq Qarabağ münaqişəsinin sülh yolu ilə həllinin tərəfdarıdır. Səfir bəyan edib ki, Bolqarıstan NATO-nun üzvü olaraq Azərbaycan Ordusu ilə hərbi sahədə təcrübəsini bölüşməyə hazırdır.
Görüşdə iki ölkə arasında hərbi əməkdaşlığın inkişaf perspektivləri, hərbi təhsil sahəsində əlaqələrin genişləndirilməsi, qarşılıqlı səfərlərin təşkili, həmçinin regional və ikitərəfli əməkdaşlıqla bağlı digər məsələlər də müzakirə olunub.
Femida.az
Oxunub: 569
Oxşar xəbərlər
- Müdafiə Nazirliyi həftəlik icmalını təqdim edib
- Müdafiə naziri Azərbaycan Ordusuna istənilən təxribatın qarşısını almağa daim hazır olmağı əmr edib
- Müdafiə Nazirliyi ermənilərdən azad olunan yüksəkliklərin adını açıqlayıb
- Müdafiə Nazirliyinin iki hərbi qulluqçusu xəstəlikdən vəfat edib
- Müdafiə Nazirliyinin sabiq baş zabiti həbs edilib
- Müdafiə Nazirliyi əsgərlər üçün kitab toplayır
- Müdafiə Nazirliyi ev almaq istəyən hərbçilərə müraciət edib
- Müdafiə Nazirliyi əsgərin sosial şəbəkələrdə yaydığı fikirlərə münasibət bildirib
- Müdafiə Nazirliyinin Suqovuşanda “N” saylı hərbi hissəsinin açılışı olub
- Müdafiə Nazirliyi azad olunan ərazilərdə aşkarladığı minaların sayını açıqlayıb