Ələtdəki dəhşətli qəzanın səbəbi açıqlandı

Ələtdəki dəhşətli qəzanın səbəbi açıqlandı

09:58     12 İyul 2018 18_07_12_1531375154.jpg


Bakı-Ələt magistral yolunda baş verən dəhşətli qəza yük maşını sürücüsünün sükan arxasında yuxulaması səbəbindən baş verib.

Femida.az xəbər verir ki, bunu AzVision.az-a açıqlamasında Bakı Nəqliyyat Agentliyinin (BNA) mətbuat xidmətinin rəhbəri Mais Ağayev deyib. Qurum rəsmisi bildirib ki, yük maşını gəldiyi sürətlə avtobusa çırpılıb.

“Yük maşınının sürücüsü sükan arxasında yuxulayıb və gəldiyi sürətlə avtobusa çırpılıb. Nəticədə avtobus aşıb. Yük maşınının sürəti o qədər də yüksək olmayıb. Olsaydı daha ağır nəticələr olardı. Hazırda əməkdaşlarımız yaralıların sayı və vəziyyətlərini öyrənmək üçün xəstəxanalardadır”.

Qeyd edək ki, bu gün səhər saatlarında Bakı-Ələt magistral yolunda dəhşətli qəza baş verib. 90-OJ-802 dövlət nömrə nişanlı “Kamaz” markalı yük maşını 149 saylı sərnişin avtobusu ilə toqquşub. Qəza nəticəsində 1 nəfər ölüb, 13 nəfər yaralanıb.

Femida.az

Açar sözlər: #qəza   #Bakı   #BNA  

Oxunub: 223