Prezident ən nüfuzlu müsəlmanlar siyahısında - FOTO


17:02     02 Oktyabr 2015 OMTwX1403u4v19.jpg

Azərbaycan Prezidenti İlham Əliyev dünyanın ən nüfuzlu müsəlmanları siyahısına daxil olub.


Report xəbər verir ki, ən nüfuzlu 500 müsəlmanın adı daxil olan növbəti siyahı (The Muslim 500-2016) Corctaundakı müsəlman-xristian Anlaşma Mərkəzinin dəstəyi ilə Əmmanın kral İslam Strateji Araşdırmalar Mərkəzi tərəfindən tərtib olunub.

Eyni zamanda, ən nüfuzlu müsəlmanların reytinq siyahısına Azərbaycandan Qafqaz Müsəlmanları İdarəsinin sədri hacı Allahşükür Paşazadə və xanəndə Alim Qasımov da daxil olub.

Eyni zamanda, The Muslim 500-2016 siyahısına İordaniya kralı II Abdullah, Qahirə "Əl-Əzhər" Universitetinin imamı Şeyx Əhməd Məhəmməd əl-Tayyib, Səudiyyə Ərəbistanı Kralı Salman bin Əbdüləziz, Türkiyə prezidenti Rəcəb Tayyib Ərdoğan və Baş nazir Əhməd Davudoğlu, Türkmənistan prezidenti Qurbanqulu Berdiməhammədov, Tacikistan prezidenti Emomali Rəhmon daxildir.

Qeyd edək ki, siyahı 2009-cu başlayaraq ildən hər il nəşr olunur.

Açar sözlər:

Oxunub: 713