" Gəncədə törədilən hadisələr terror aktı idi " - Mübariz Qurbanlı
16:47 16 İyul 2018
Gəncədə törədilmiş terror aktı ilə əlaqədar istintaq davam etdirilir.
Femida.az xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
O qeyd edib ki, Gəncədə törədilən hadisələr terror aktı idi, bunu törədənlər isə din adı altında gizlənmiş radikal qruplardır:
"Onların din adı altında gizlənməsinin də səbəbi odur ki, din həssas mövzudur. Araşdıranda məlum olur ki, həmin insanlar dinə o qədər də bağlı deyillər və xarici qruplar tərəfindən ələ alınaraq istifadə olunurlar".
Komitə sədri bildirib ki, bu hadisələrin arxasında hansı dairələrin dayandığı araşdırılır: "İlkin məlumatlar onu göstərir ki, bu qrupların izləri xaricdə olan bəzi qruplara gedib çıxır".
M.Qurbanlının sözlərinə görə, Sumqayıtda da, digər yerlərdə də bu cür qruplar mövcuddur ki, onlar din adı altında gizlənərək cinayət törətməyə cəhd edirlər:
"Bunun qarşısını almaq üçün hüquq-mühafizə orqanları tərəfindən profilaktik tədbirlər görülür. Hüquq-mühafizə orqanları tərəfindən Sumqayıtda aparılan işlər də həmin profilaktik tədbirlərin əsas istiqamətlərindən biridir. Bu işdə bütün cəmiyyətimiz bir aradadır, cəmiyyətimiz bu məsələdə dövlətçilik mövqeyi nümayiş etdirir və Gəncədə də əhali Azərbaycan dövlətinin, Prezidentin yürütdüyü siyasəti birmənalı şəkildə müdafiə edir".
Komitə sədri vurğuayıb ki, Azərbaycanda bu gün ictimai-siyasi sabitlik tam bərpa olunub.
Femida.az
Oxunub: 621
Oxşar xəbərlər
- Bakıda reabilitasiya mərkəzində uşaqlara işgəncə verilməsini əks etdirən görüntülər yayılıb
- Gəncədə avtomobil piyadanı vuraraq öldürüb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Gəncədə avtomobil qaçıran şəxs saxlanılıb
- Gəncədə ehtiyatda olan polkovnik-leytenantın ölümü ilə bağlı cinayət işi başlanılıb
- Gəncədə kişi həyat yoldaşını bıçaqlayaraq öldürüb
- Gəncədə mübahisə zəminində 3 nəfər bıçaqlanıb
- Gəncədə mənzildə qadın meyiti aşkarlanıb
- Gəncədə yaşayış binasında partlayış olub, ölən var
- Gəncədə 152 kq istehlaka yararsız ət aşkarlanıb