Bakıdakı beynəlxalq turnirdə saxtakarlıq - Hollandiyalı Braziliya adından çıxış etdi
18:24 17 İyul 2018
Bakıda daha bir beynəlxalq turnir arxada qalıb.
14-15 iyul tarixlərində "Dalğa Beach" istirahət mərkəzində futvole üzrə beynəlxalq turnir keçirilib. "İdman Azərbaycan" kanalı vasitəsilə canlı yayımlanan yarışı izləyənlər təşkilatçılar tərəfindən aldadılıb. Belə ki, 8 ölkənin iştirak etdiyi turnirdə bir çox qayda pozuntularına yol verilib. Futvole şölənində Braziliya yığmasının iştirak edəcəyi deyilsə də, yalnız bir idmançı ilə təmsil olunan(hər komandanın tərkibində 2 idmançı mübarizə aparır)"sambaçılar"ın heyətində ötən il Bakıda keçirilən futvole üzrə beynəlxalq turnirin qalibi olan Hollandiya yığmasının üzvü Kaspar Şlebus(müsahibələrdə braziliyalı idmançı Kaspar Şlequni kimi təqdim edilib) çıxış edib. Bununla yetərli qalmayıb izləyiciləri aldatmağa davam edən təşkilatçılar azərbaycanlı futzalçı, hazırda Yüksək Liqada mübarizə aparan "İtaldizain" klubunun üzvü, çimərlik futbolu yığmamızın oyunçusu Elvin Quliyevin əyninə Rusiya yığmasının formasını geyindirib. Azərbaycan Futnet Federasiyası "Dalğa Beach"də daha bir saxtakarlığa yol verib. İştirakçı ölkələr arasında Portuqaliyanın adı çəkilsə də, avropalılar Bakıya ümumiyyətlə gəlməyib. Portuqaliya forması ilə İsrail yığmasının üzvü Omri Kohen və iranlı idmançı Ali Reza mübarizə aparıb. Turnirdə iştirak edən Pakistan yığmasının üzvlərinin isə idmançı yox, turist olması onların bütün görüşlərdə biabırçı məğlubiyyətinə səbəb olub.
Qeyd edək ki, yarışda Azərbaycan yığması da mübarizə aparıb. (Sportfm)
Femida.az
Oxunub: 929
Oxşar xəbərlər
- Bakıdakı yanğınla bağlı FHN məlumat yayıb
- Bakıdakı məktəblərin hamısı dezinfeksiya olunub
- Bakıdakı Qran-prinin vaxtı dəqiqləşdi
- Bakıdakı Müqəddəs Jen-Mironosits kilsəsi ilə bağlı videoçarx hazırlanıb
- Bakıdakı bu parkın 70 faizi meşə zonası olacaq
- Bakıdakı yəhudi sinaqoqunda şəhidlərin xatirəsi anıldı
- Bakıdakı poliklinikalar 7 günlük iş rejiminə keçib
- Bakıdakı aksiya ilə bağlı polisdən açıqlama: "Saxlanılan yoxdur"
- Bakıdakı videoproyeksiya İtaliyada böyük maraqla qarşılandı
- Bakıdakı daha bir Avropa çempionatı təxirə salındı