Bakıda qolu sarğılı vəziyyətdə yol süpürən qadın kimdir? - FOTO

Bakıda qolu sarğılı vəziyyətdə yol süpürən qadın kimdir? - FOTO

12:56     18 İyul 2018 18_07_18_1531909171.jpg

Bakıda qolu sarğılı küçə süpürən qadın barədə bəzi məlumatlar üzə çıxıb. Sosial şəbəkələrdə yayılan fotosundan sonra bu vəziyyətdə işlədildiyi üçün MKTB ciddi qınaq obyektinə çevrilib.

Femida.az xəbər verir ki, Oxu.Az-ın əldə etdiyi məlumata görə, 1941-ci il təvəllüdlü, Alaverdova Nelya 10 ilə yaxındır ki, küçə süpürür.

Uzun müddət Nizami küçəsində yerləşən köhnə ayaqqabı fabrikində işləyib. Ora bağlandıqdan sonra küçədə daşların üstündə yatıb.

Ərazidə yaşayan insanlar onu Mənzil Kommunal Təsərrüfat Birliyində işə düzəldiblər. 10 ildir ki, qadın burada işləyir və süpürgəçilərin xidməti otağında kiçik bir yerdə yaşayır.

Məlumata görə, qadın əslən iranlıdır. Atası vaxtilə Bakıda yüksək vəzifədə çalışıb və ermənilər tərəfindən öldürülüb.



Alaverdova Nelya ilə birlikdə işləyən Güllizar Vəliyeva bildirib ki, bu gün səhər saatlarında qadın qaldığı yerdən çıxıb:

"Burada yaşadığı yerdə yıxılıb və qolunu əzib. Kömək etdik. Mənzil Kommunal Təsərrüfat Birliyindən Abbas müəllim gəlmişdi. Ona Nelyanın yıxıldığını dedik. O da dedi ki, hazırlaş, səni həkimə aparacağıq.

Özü harasa getdi və həkimi hardan tapdı, bilmirik. Qolunda sarğı ilə gəldi. Bu gün səhər saat 6-da biz işə çıxanda burada idik. Özü hara gedib bilmirik”.

Səbail Rayon Mənzil Kommunal Təsərrüfat Birliyinin şöbə müdiri Fərhad Qənbərov deyir ki, Nelya 2010-cu ildən 4 saylı Mənzil Kommunal Təsərrüfat Birliyində işləyir:

"Həmin ilin mart ayında bizim qurumun rəisi səhər Fikrət Əmirovun heykəli tərəfdə bir qadın soyuqdan donur. Ondan niyə burada olduğun soruşub.



Nelya bildirib ki, qalmağa yeri yoxdur. Onu süpürgəçilərin xidməti otağına gətirib. Burada yer ayırıb və əşyalarını qoyublar. Həmin müddətdən bu ərazidə işləyib və qalıb”.

Fərhad Qənbərov bildirib ki, qadın dünən icazəsiz ərazini təmizləməyə çıxıb:

"Qolu əzildiyi üçün işə buraxılmırdı. Biz ərazini təmizləməyə işçi göndərən zaman üzərlərində qurumun gödəkçəsi olur. Dünən şəkil çəkilən zaman gödəkçəsi olmayıb. Onun burada pişikləri var. Onları yemləməyə çıxıb. Əlində süpürgə olub, çəkiblər”.

Femida.az

Açar sözlər: süpürgəçi  

Oxunub: 1580