Azərbaycanda maye qaz qıtlığı yaranıb - SƏBƏB (Yeniləndi)

18:35     19 İyul 2018

“Azpetrol”da maye qazın satışı yenidən bərpa olunub

Şirkətdən Femida.az-a verilən məlumata görə, “Azpetrol”un yanacaqdoldurma məntəqələrində mayeləşdirilmiş neft qazının (LPG) satışı yenidən bərpa edilib.


***

Bir neçə gündür ki, ölkədə mavi qaz (propan) qıtlığı yaşanır.

Femida.az xəbər verir ki, bu barədə qafqazinfo-ya həm paytaxtdan, həm də rayonlardan çoxsaylı müraciətlər daxil olub. Onlar bildiriblər ki, yanacaqdoldurma məntəqələrində avtomobillərinə vurdurmaq üçün qaz tapmırlar. Həmçinin məişətdə işlədilən qaz balonlarını da doldura bilmirlər.

Sayt məsələ ilə bağlı SOCAR-la əlaqə saxlayıb. SOCAR-dan bildirilib ki, problem onlarlıq deyil. Dövlət Neft Şirkəti yanacaqdoldurma məntəqələrini lazımi səviyyədə mavi qazla təmin edib.

Problemin səbəbini öyrənmək üçün Məişət Maye Qaz MMC ilə əlaqə saxladıq. Onlar məsələ barədə məlumatlı olduqlarını vurğuladılar.

Qeyd etdilər ki, hər il avqust ayında avadanlıqların istismar müddəti bitir. Ona görə də ehtiyac yarandığı halda yeniləri ilə əvəz edilir. Bu il isə işlərə iyul ayından başlanılıb. Ona görə də bir neçə gündür qıtlıq yaşanır. Hazırda işlər davam edir. Yaxın 3-4 gün ərzində işlər yekunlaşacaq və məsələ öz həllini tapacaq.

Məişət Maye Qaz QSC-dən saytla yenidən əlaqə saxlayaraq bildirilib ki, Azərbaycanda işığın sönməsi ilə əlaqədar şirkətin zavodunda problem yaranmışdı. Bu problem artıq tam olaraq dünəndən etibarən öz həllini tapıb. Satış hazırda normal şəkildə həyata keçirilir.

Femida.az

Açar sözlər:

Oxunub: 2843