ABŞ-da Ağdamın işğalı ilə bağlı kampaniya başladı
20:51 22 İyul 2018
ABŞ Azərbaycanlıları Şəbəkəsi 1993-cü il iyulun 23-də Azərbaycan Respublikasının Ağdam rayonunun Ermənistan silahlı qüvvələri tərəfindən işğalı barədə amerikan ictimaiyyətini məlumatlandırma kampaniyasına başlayıb.
Azərbaycan diasporunun üzvləri qanunvericilərə, ABŞ Administrasiyasındakı rəsmi şəxslərə, həmçinin Birləşmiş Ştatların bütün kütləvi informasiya vasitələrinə məktublar göndərirlər.
Məktublarda Qarabağ müharibəsi zamanı Azərbaycanın rayonlarının işğalı faktı, Xocalıda dinc azərbaycanlı əhaliyə qarşı törədilmiş qətliamlar qeyd olunub, statistik rəqəmlər göstərilib. Məktub müəllifləri BMT Təhlükəsizlik Şurasının Ermənistanın işğalçı qoşunlarının Azərbaycan ərazilərindən qeyd-şərtsiz və dərhal çıxmasını tələb edən dörd qətnaməsinə (822, 853, 874 və 884) və həmin tələbləri ehtiva edən BMT Baş Assambleyasının A/62/L.42 qətnaməsinə rəsmi Yerevan tərəfindən tam etinasızlıq göstərildiyini qeyd ediblər.
Azərbaycan diasporunun üzvləri ABŞ hökumətini Ermənistanın işğalçı qoşunlarının suveren Azərbaycanın ərazilərindən çıxarılmasına dair beynəlxalq təşkilatların qətnamələrinin yerinə yetirilməsi və məcburi köçkünlərin doğma yurdlarına qayıtmalarına şərait yaradılması məsələlərində Yerevana təzyiq göstərməyə çağırırlar.
Femida.az
Oxunub: 483
Oxşar xəbərlər
- ABŞ-da atışma olub, ölən və yaralananlar var
- ABŞ-da paradda atışmada ölənlərin sayı 7 nəfərə çatıb
- ABŞ-da yük maşınında 46 nəfərin meyiti aşkarlanıb
- ABŞ-da kilsəyə silahlı hücum zamanı ölənlərin sayı artıb
- ABŞ-da festivalda atışma olub, ölən və yaralananlar var
- ABŞ-da yaşayan tanınmış azərbaycanlı alim vəfat edib
- ABŞ-da atışma nəticəsində 6 nəfər ölüb
- ABŞ-da Ukraynaya müasir HHM sistemlərinin tədarükü müzakirə edilir
- ABŞ-da atışma olub, ölən və xəsarət alanlar var
- ABŞ-da vaksinasiyadan imtina etdiyi üçün 27 hərbçi qovulub