Qeydiyyatda olan narkomanların sayı açıqlandı


16:55     23 İyul 2018 narkoman11.jpg

Səhiyyə Nazirliyi Respublika Narkoloji Mərkəzinin 31.12.2017-ci il tarixinə olan məlumatına əsasən, Mərkəzdə 30.131 nəfər qeydiyyatda olub ki, onlardan 25.139 nəfəri dispanser, 4992 nəfəri profilaktik qeydiyyatda olanlardır.

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından Femida.az-a verilən məlumata görə, onlardan 595 nəfəri qadın, 212 nəfəri toksikoman,21038 nəfəri (470 nəfər qadın) inyeksion narkotik istifadəçiləridir. 2017-ci ildə 2115 nəfər yeni qeydiyyata götürülüb, 1432 nəfər isə qeydiyyatdan çıxarılıb.

Qeyd olunub ki, 2018-ci ilin II rübü ərzində Daxili İşlər Nazirliyi tərəfindən Səhiyyə Nazirliyinin Respublika Narkoloji Mərkəzinə göndərilmiş şəxslərin sərxoşluq hallarının bütün növlərinin təyini məqsədilə aparılan tibbi müayinədən 7710 nəfər keçib. Onlardan 902 nəfəri narkotik vasitələrin istifadəsinə görə müayinə olunub və 447 nəfər istifadəçi aşkar olunaraq qeydiyyata götürülüb.

Həmçinin, hesabat dövründə 810 nəfər stasionar müalicəyə qəbul olunub ki, onlardan 183 nəfəri “Alkoqol qəbulu nəticəsində psixi və davranış pozuntuları” (F10), 627 nəfəri “Opioidlərin qəbulu nəticəsində psixi və davranış pozuntuları” (F11) diaqnozu ilə müalicəyə qəbul edilənlərdir. Eyni zamanda digər müalicə proqramı üzrə fəaliyyət göstərən iki məntəqədə proqram çərçivəsində 262 xəstə müalicə alır.

Femida.az

Açar sözlər:

Oxunub: 413