Qadının böyrəyindən 3 minə yaxın daş çıxarıldı – Foto

23:30     29 İyul 2018

Çin xəstəxanalarından birində cərrahlar 56 yaşlı bir xəstənin sağ böyrəyindən 2 min 980 xırda daş çıxarıb.

Femida.az -ın verdiyi xəbərə görə, bununla həkimlər Çjan adlı qadının həyatını qurtarıblar.

Çinli qadın qarnında kəskin ağrı şikayətləri ilə Çançjoudakı bir klinikaya yerləşdirilib. Qadının belə ağrılarla təxminən bir il yaşadığı ortaya çıxıb. Tibbi müayinə nəticəsində müəyyən olunub ki, xəstənin sağ böyrəyində çox sayda xırda daş var. Böyrəyin atrofiyası- kiçilməsi də ölümə səbəb ola biləcək risk yaradırdı. Həkimlər əvvəlcə orqandan bütün daşları götürməyi planlaşdırıblar. Ancaq əməliyyat zamanı cərrahlar problemi tam həll etmək üçün qadının böyrəyini bütövlükdə çıxarmağa məcbur olublar.

Çjanın böyrəyindəki daşları saymaq üçün isə təxminən bir saat vaxt sərf edilib. Mütəxəssislər qadının böyrəyindəki daşların diabetlə əlaqəli ortaya çıxmış infeksiya nəticəsində yarandığını izah ediblər.

Açar sözlər:

Oxunub: 723