Təhsil Nazirliyi: 356 müəllim imtahandan imtina etdi


21:15     31 İyul 2018 2018/07/muellim-imtahan_1533042943.jpg

İyulun 30-da müəllimlərin işə qəbulu üzrə müsabiqənin biologiya və fiziki tərbiyə üzrə keçirilmiş test imtahanlarında 2 min 935 nəfər iştirak edib.

Təhsil Nazirliyindən verilən məlumata görə, iyulun 30-da keçiriləcək biologiya və fiziki tərbiyə üzrə test imtahanlarında 3291 namizədin iştirakı gözlənilsə də, imtahanda iştirak edən namizədlərin sayı 2935 olub. Buradan da məlum olub ki, müsabiqənin test imtahanında müəllim olmaq üçün qeydiyyatdan keçən 356 namizəd imtahanda iştirak etməyib.

Namizədlər arasında ən yüksək nəticə olaraq fizika üzrə 59, texnologiya üzrə isə 56 bal qeydə alınıb.

İyulun 31-də keçirilən coğrafiya və fiziki tərbiyə üzrə test imtahanlarında 2 min 46 namizədin iştirakı gözlənilir.

Azərbaycan Texniki Universitetinin İdman Kompleksində aparılan imtahanlar bu gün başa çatacaq.

Qeyd edək ki, imtahanlarda namizədlərə ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilir.

Femida.az

Açar sözlər: #təhsil   #nazirlik   #müəllim   #imtahan  

Oxunub: 1174