Pakistanda 12 qız məktəbinə hücum edildi
19:16 03 Avqust 2018
Pakistanın Gilgit Baltistan bölgəsində 12 qız məktəbinə hücum təşkil olunub.
Polis mənbələrinin verdiyi məlumata əsasən, ölkənin şimalındakı Gilgit Baltistanın Çilas və Diamer bölgəsində dünən gecə kimliyi hələ müəyyən olunmayan şəxs və ya şəxslər 12 məktəbə hücum edib. Məktəb binalarına və tədris materiallarına zərər verən şəxslər bəzi məktəbləri yandırıb.
İki məktəbdə isə kiçik miqyaslı partlayışlar olub. Gilgit Baltistan əyaləti rəhbərliyindən verilən məlumata görə, hücuma məruz qalan məktəblərin bəziləri inşa edilməkdə, ya da təmir prosesində olub. Səlahiyyətlilər qısa müddətdə məktəblərin tikintisi tamamlanaraq, təhlükəsizlik tədbirləri artırılmış şəkildə təhsilə başlayacaqlarını qeyd edib.
Ölkənin təhsildə iştirak və təhsil səviyyəsinin ən aşağı olduğu şimal bölgələrində qız məktəbləri tez-tez hücuma məruz qalır. Gilgit Baltistan və şimal-qərb Tayfalar Bölgəsində son on ildə 1500 məktəbə hücum təşkil olunub. Bu hücumlara 2004 və 2011-ci ildə bölgə əhalisi tərəfindən etiraz edilmişdi.
Femida.az
Oxunub: 350
Oxşar xəbərlər
- Pakistanda hərbi helikopter qəzaya uğrayıb, 2 zabit, 4 əsgər ölüb
- Pakistanda musson yağışlarda ölənlərin sayı 1 400 nəfərə çatıb
- Pakistanda terror aktı olub, 10 hərbçi yaralanıb
- Pakistanda avtobus dərəyə aşıb, 19 nəfər ölüb
- Pakistanda partlayış olub, ölən və yaralananlar var
- Pakistanda terrorçular zərərsizləşdirilib
- Pakistanda terror aktı törədilib, ölənlər və yaralananlar var
- Pakistanda partlayış olub, 2 nəfər ölüb, 6 nəfər yaralanıb
- Pakistanda polisin radikallarla toqquşması nəticəsində 8 nəfər ölüb
- Pakistanda partlayış zamanı 4 hərbçi həlak olub, xəsarət alanlar var